ئەی دڵ یە هەوای نەوبەهارانەن
از کتاب:
دیوانی مینە جاف
اثر:
مینه جاف (1911-1965)
1 دقیقه
639 مشاهده
ئەی دڵ یە هەوای نەوبەهارانەن
تەوقی گوڵ ڕەنگین ڕووی کۆسارانەن
هۆرێزۆ بشین وە پایەی کاروان
دڵشاد کەین وە سەیر شاخەی شەتاوان
زەمین زومڕووتی جە گیا و ئاوەن
گوڵان وە سەد ڕەنگ نەقشی پای کاوەن
نەرگس وە تاجی زەڕنگارەوە
داوای شاهیشەن وە بەهارەوە
سێ پەڕی گوڵشین گوڵاڵەی خاش خاش
وە شنۆی نەسیم شنوێن وە هیواش
شنۆی بای نەسیم سوب سەحەردا
تێکەڵ وە خاوی گوڵانی دەردا
مەونە دەماغ دڵەی ئەوگاران
جارووب ئەدا خەم لە لای خەمباران