ئەگەر مەجنوونی ڕووسارام لەبەر ئەو پەرچەمە تاتای
از کتاب:
دیوانی مینە جاف
اثر:
مینه جاف (1911-1965)
1 دقیقه
458 مشاهده
ئەگەر مەجنوونی ڕووسارام لەبەر ئەو پەرچەمە تاتای
وکوو سەنعان ئەگەر تەرسام لەبەر ئەو ڕوومەتە زێبای
ئەگەر وەک بولبول ئەناڵێنم لەبەر کوڵمە گوڵ ڕەنگەکەی
ئەگەر کۆکۆمە وەک قومری لەبەر قامەتە ڕەعنای
مەدە تانە مەکە وەعزم لە ئەم ئەحواڵەدا وەعزێ
کە من مەعلوومە لێم گیانە دەوای ئەم دەردە ناپەیدای
زولەیخا ناو دڵی پڕ خوێن شەهی پەروێز چوە ئەرمەن
تەماشای بەیتی شیرین کە چ جێگەی ئەم دڵە شەیدای
عەجەب دەردێکە بێ دەرمان بەڵایی عەشقی مەهڕوویان
ئەبێتە واتەیی دەوران ئەگەر ئیسکەندەی بڕنای
لەوێدا مولکی جوانانە گەدا لێل شاهـ یەکسانە
بە دەستی عیشقەوە ئەگری ئەگەر جەمشید ئەگەر دارای
ئەبینم دڵ بریندارە ئەبینم لاشە بیمارە
جگەر پڕ زووخ بە عیشوەی ئەو پەری سیمای
برا سەرباسی دونیا خۆم بە دڵ غەمبار و ڕیسوا خۆم
چییە ئەم دەردە یاڕەببی کە وەک سەودا لە گیانمدای
لە هەر جێگایێ دانیشم بە گریان ئەیکەمە گوڵشەن
هەوای سەیرانت هەس جانا بفەرموو نەوبەهار لەیرای