وتی کێی تۆ وتم عاشق وتی بۆ چی وتم ڕووی تۆ
از کتاب:
دیوانی مینە جاف
اثر:
مینه جاف (1911-1965)
1 دقیقه
597 مشاهده
وتی کێی تۆ؟ وتم عاشق، وتی بۆ چی؟ وتم ڕووی تۆ
وتی ئیسمت؟ وتم مەجنوون، وتی بۆ چی؟ وتم گێسۆ
وتی دەردت؟ وتم عیشقە، وتی زکرت؟ وتم ناڵین
وتی فکرت؟ وتم یادت، وتی جێگەت؟ وتم کۆی تۆ
وتی ویردت؟ وتم ئیسمت، وتی ئیشت؟ وتم گریان
وتی ئەسپاب وتی ڕۆیی وتم تێتۆ
وتی عومرت؟ وتم دینت، وتی تەقوا؟ وتم مەیلت
وتی ئایەت؟ وتم دەرگات، وتی ئەی ڕۆژ؟ وتم سەرکۆ
وتی دینت؟ وتم دینت، وتی تەقوا؟ وتم مەیلت
وتی ئایەت؟ وتم خاڵت، وتی قبلەت؟ وتم ئەبرۆ
وتی مەزهەب؟ وتم عەشقت، وتی جەننەت؟ وتم وەسڵت
وتی دۆزەخ؟ وتم هیجرە، وتی ڕاستە؟ وتم تۆ بۆ
وتی مینەتخلص! وتم فەرمان، وتی ئەمرت؟ وتم دەرمان
وتی چی بێت؟ وتم ماچێ، وتی کوێ بێ؟ وتم سەر ڕۆ