خەیاڵی عەشقی ڕووتە وا لە سەرما
از کتاب:
دیوانی حەمدی
اثر:
حمدی (1876-1936)
1 دقیقه
1251 مشاهده
خەیاڵی عەشقی ڕووتە وا لە سەرما
بە ڕووتی بۆیە نیمە باکی سەرما
لە سکما لەرزی سەردی تۆیە گەرما
بە من ناگا و نەگەیوە باسی گەرما
کە لەیلا کردی مەجنوونی خەڵاتم
سەراپا بەرگی ڕووتی کرد بە بەرما
دڵی ئاگر بە ئاهی من دەسووتێ
کەچی ناڵەم لە دڵتا بێ ئەسەر ما
دەمێکە دڵ گومە نامەرد بزانن
لەلای ئەو شۆخەیە یا دەربەدەر ما
لە بەرماوەی کەبابی یارە ساقی
دڵی برژا و مەی دانا لە بەرما
بە پیری یارەوە حەمدیتخلص بە پێ چوو
بەسەر ناچێ ئەگەر ئەمجا بەسەرما