پرسیار
از کتاب:
ئاوات و ڕەنج
اثر:
کامران مکری (1929-1986)
1 دقیقه
1241 مشاهده
بەژنی تۆ یا بەژنی ڤینۆس ئەی فریشتەم شەنگترە
خونچە تەنگتر یا دەمی تۆ یا دڵی من تەنگترە
چاوی کاڵی پڕ لە ورشەت یا گەلاوێژ گەشترە
خاڵی گۆنای ناسکت یا بەختەکەی من ڕەشترە
دەنگی دڵ بزوێنی تۆ یا شیعری من پڕ سۆزترە
پەرچەمی ڕێحانەییت یا ڕۆژگار ئاڵۆزترە؟
عەشقی من یا گیانی ساوا یا فریشتە پاکترە
ژینی جیایی یا مەرگ، کامیان چاکترە؟