کرمانجی و لاری
از کتاب:
دیوانی ئەسیری
اثر:
اسیری (1895-1962)
1 دقیقه
559 مشاهده
ئەی ڕۆڵە بزانە لە ڕەگی میللەتی ئاری
دووجۆرە زوانت هەیە، کرمانجی و لاری
پیتی پێ و چیم و ژێ و ڤێ و گاڤە لە دەمتا
گۆوایە ئەمە تێبگە گەر ژیر و بەکاری
چەن پیتێکی سامی هەیە نایێتە زوانت
پیتانی ئەتوش هەر کە وتم نایێتە زاری
هۆشت هەبێ تێبینی ئەکەی تێ ئەگەی ئینجا
سامی نییە ئاری ڕەگەزی کوردی دیاری
تۆرانی ئەگەر چی هەموو پیتانی تۆ ئێژن
نابینی وتەت گەر تۆ وتنیان بژماری
دیارە لە ئەوانیش نی لە هەرچی گەلی ئاری
تێنۆڕی پڕە پیت و وتەی تۆ لە گۆڤاری
نیشتمانی هەرە کۆنەی باوەی هەرە گەورەت
جێی پوختییە ئێستاکە هەرات جێگە هەواری
جێ باری دوایی گەلی کرمانجییە کرمان
لارش بووە دوا کۆچی ئەتو ڕۆڵەیی لاری
وینەی وتەی ئاری ئەسیریتخلص تێگەیشتوو
پشتێکی وەها و هۆشت هەبێ بۆچی هەژاری