لە دەستەی پەهلەوین
از کتاب:
دیوانی ئەسیری
اثر:
اسیری (1895-1962)
1 دقیقه
915 مشاهده
ئێمە کوردین سەروەرین ئارین لەدەستەی پەهلەوین
سالکی ئەوجی سەعادەت، بۆ مەعاریف ڕەهرەوین
ڕۆژ و شەو هیوا لە کۆششمان مەبەست چاکی بەشەر
ڕەهبەری حوررییەتین عیلم و مەعاریف پەروەرین
تازە تەرزی نەو نەمامی باغی سەروی میللەتین
لالە وو ڕەیحان و نەسرین و بنەفشەی وەتەنین
ئێمە پەرژینین لە دەوری خاکی پاکی نیشتمان
دەستەیی میحنەت کەشی گەل، پاسەوانی میللەتین
عیلم و زانایی چەکی دەسمانە، وەحشەت دوشمنە
مەحوو بەربادی ئەکەین، یەغماگەری عەمری ئەوین
ڕوو لە هیوا ڕاست و تیژ و دەیدەوان و ڕەهڕەوین
عیلمێکی وا کەسب ئەکەین بۆ ئاسمانان پێی ئەچین
ڕۆژهەڵاتی لاوی کوردانە ئەسیریتخلص زوو وتی
ئێمە کوردین سەروەرین، ئارین لە دەستەی پەهلەوین