دیسان برینی کۆنی جگەرمە کولایەوە
از کتاب:
دیوانی عارف عورفی
اثر:
عارف عرفی (1896-1961)
1 دقیقه
346 مشاهده
دیسان برینی کۆنی جگەرمە کولایەوە
ئەی چەرخی دوون لە سایەتەوە کێ حەسایەوە؟
حاڵی نەبووم لە پێشەوە وامزانی بووکە وا
غونچەی فەرەح لە باغی ئەمەل بۆم گەشایەوە
هەر شەو سەحەر کە لە خەو هەڵئەسم کە چی
دیسان غەمێکی تر لە فەڵەک تازە زایەوە
زستانی بەفر و سۆڵە ئەوا هاتە پێشەوە
هاوین بەسەر چوو بەرگی فەقیر وا دڕایەوە
پارەی جگەر خراوەتە ناو بۆتەیی غەما
قاڵ بوو تەواوی لا نەبرا تا توایەوە
نەمزانی بوو بە بەریەوە ژینم ئیتر نەما
بۆیە چراغی شادی بەجارێ کوژایەوە
وامزانی غەم بەسەرچوو نەما نەگبەتی کە چی
دەرگاهی شادمانی لە پڕ داخرایەوە
تفڵە دڵم بیلاوێنە ئەی دایکی نیشتمان
با نەگری ڕایژەنە بە سەدای لایە لایەوە
جێی خۆیەتی جەماعەتێ حازر ئەگەر بکەن
تەعریفی شیعری عورفیتخلص بە شێخ و مەلایەوە