qoç ’usman 2
mizgênîyan bo aẍay mîrseyfudîn beg bird: qoç ’usman hatewe. espêkî borey pêye, çend başe, çend bekare!
her bew şewey deçûne temaşay espî bore keyxuda û pyawmaqûł û emîndare
cêbecê dehatne dîwanê, debûn berqerare
deygut: espî bore çone? hêndêk deyangut: başe, gelêk bekar.
hêndêk deyangut: boze û bed’emele; eger de tûmenî pê dirabê pêncî çûn bexsare
řojî tenganan serî swarey xoy naka řizgare.
qoç ’usman dełê: xuła xiraka małe şeytan û şimrî, dena bedkare
engo çil kes degeł emin biken merc û qerare
bigirnewe mirawîyekî bał kûř degeł bazêkî xase teware
sibḧeynê le deştî xurmalẍê degeł espî boreyan dênne xware
eger xułay kird, ew espî boreyan becê hêşt, řemaney espî bore
biken, serî min biden le qenare
eger espî boreş baz û mirawîyan becê bêłê, ya boxom lekin aẍay mîrseyfudîn beg nabim, yan şitaqu le beẍdaye nakem îxtyare.
ewê şewê degeł ewanî řona qewl û qerare
her bew şewey wekaryan xist qetar û nehare
gya û pûşyan kêşa bebare
hełyan best çom û řûbare
awyan le deştî xurmałẍê dena bibête zel, espî borey lê nebê qutare
tořewanan tořyan dawît, deyangirt mirawîyekî bał kûřî hare
ḧazir bû bazêkî xasey teware
sibḧeynê beyanî baz û mirawîyan hełdegirt, bo serî meydanê çûne xware
biraderêkî qoç ’usmanî bû, deygut: qoç ’usman lew xewey hełsite,
ewe mericker bo serî meydanê çûne xware
tegbîrêk bo min bike, xizmetî kêhe aẍay bikem îxtyare.
dełê: birale! aẍay dinyaye faydey nîye, xot bispêre bexułay dwametî becebbare.
deygut: espî borem bo bênne derê, lêy biken zînî murset, byawêne serî qayşî bułẍare
ew tułe û tajîyane berne jûrê, biła aza bê nekêşin; emin debim gunahbare
bangêkim weber ew xułaye eger boxoy cebare!
deygut: pîrsiwar. bequrbanit bim, ewcar be hîmdadim ware (were).
beqed dû hezar kesî lewber ewberî meydanî xurmałẍêy girt qerare.
herçî bewî dost bû giryan û haware
deyangut: řemaney espî bore deken, serî qoç ’usmanî deden le qenare.
herçî bewî dijmin bû şadîy bû, pêkenîn bû, deygut: ewcar dernaçê
espî bore, řemaney deken, serî wîş deden le qenare
beẍda xoş debê le koł debêtewe ew şeytan û şofare.
eger serî ciłewî espî borey wergêřa, bo serî meydanê dehate xwarê,
le hêndêk cêyan be řoyîn le hêndêk cêyan be nermeẍare,
heta degeyîye merickeran deygut: her ew qisey şewê dîm degeł engo qewl û qerare.
emin le qewlî xom nabmewe, debê temam bibê ew guftare.
deygut: ya ełłah, ya xułay kerîm, ya pêẍemberî muxtare!
pîr swar, hawarim weber etoye dûbare!
baz û mirawîyan berdan, ewîş destî becłewî espî boreda dehêna, le sê
firseqî meydanî xurmałẍê dehate xware
eger xelas debû, serî ciłewî hełdekêşa, awřî wepşitî xoy da,
temaşay kird baz û mirawî dên beçrîkeçrîk û hatuhaware
deçûne temaşay şwênî espî bore keyxuda û emîndare
temaşayan kird berdêk beqed denke nokêkî le quřê çote xware
hêndêk deyangut: ewe cêy nałe. hêndêk deyangut: cêy bizmare.
hêndêk deyangut: małe xêwit bequřê gîrê espî bore, degełî dernaçin baz û bałdare.
qoç ’usman demudest debû sware
dehate kin mîrseyfudîn begî, îklamî dekêşa sê care deygut: «aẍa! bequrbanit bim! yane boxom merexes bike
yane şitaqan lew şarey nakem îxtyare».
řodenîştin keyxuday de nabekare,
wekîl û wezîr û muxtare
qaqezêkyan denûsî bo sułtanî estembułê ewcare
beqasîdî da beřêyan dekird behaware:
sułtan! espêkî bore bo mîrseyfudîn begî hatuwe babî beḧrîye, boxoy bałdare
letû zyatir kes qablyetî nîye, pê de řikêfî nê, lêy bibê sware.
sułtan qaqezêkî nûsî lebo mîrseyfudîn begî: espî bore û merkebî
segław swarbin, werne êre, bengom heye kare.
mîrseyfudîn beg gutî: gûy xward le gûy babî, emin carêkî dî
xizmetî wî nakem îxtyare.
ḧeqîş degeł beẍdaye nîye, ewe dagîrim kird yekcare!
ew xebere çû bo sułtanî estembûłê dûbare.
sułtan tegbîrî dekird be mexlûqî dinyaye:
ewe temaḧî heye, lêm dagîr bika beẍdaye.
ewcar xeberyan da be mîrseyfudînî:
debê teşrîfî mubarekit bê sułtan bibînî.
mîrseyfudîn dełê: emin sułtanim bo çîye?
qibûł dekem lemse û urusî sułtanim qibûł nîye.
sê sałan degeł qoç ’usmanî geřan, nehatnewe awedanîye.
sułtan fermûy: ’eyb û şûreyîye
nokerî min bo bargînêkî bigeřê le wiłatîye.
kê bû le sułtanî aqłidar û dana
bo mîrseyfudînî mor kird qur’ane:
hełsitê, bête êrekane
emin lêy nastênim bargînî, hezar tegbîrim heye, çoł bû ew ’erz û mekane
ew espe mubarek bewî bê, ewa bom nard qur’ane.
espekey bêne bîbînim mesłe’etê dekeyn. înca şeřîşim lê qewmîwe degeł her çwar dewłetane.
eger mîrseyfudîn way dezanî
tegbîrî kird be xizmanî:
dûřû nabê bo sułtanî
debê nokerî qedrî bizanî
biço bexot û qoç ’usmanî,
ewdemî lewê xoy zanî
eger swarbû beřewanî
degeł nokerî wek qoç ’usmanî
dełê: ewe deřom bo xizmet sułtanî
xeber biden be daykim bizanî.
daykî leber şîn û giryanî
firmêsk dê le çawanî
dełê: řołe! meço kin sułtanî
bexułay, serit debiřn le gyanî
temaşaken qoç ’usmanî
ẍezebî bo kuřî min hanî
hawar leber ẍezebî sułtanî!
qet buwe degeł aẍat bê ẍeyanî.
gutî: daye çarem nîye;
swêndî xwarduwe be řebîye
kelamułłay mor kirdîye
ewa le bo minî nardîye
lekin sułtanî diro nîye.
daykî yek be beẍdaye giryawe
dełê: kuřim ser nayenête dwawe
bê kuřim zimanim sûtawe
sełam lê řabû kesim nemawe
kesim nemawe le dinyaye
kuřim ser nayenête dwaye
çibkem, beẍda bê aẍaye
xeber bo ’urûsî biçwaye
deşqem tikayan bo bikirdibaye.
mîrseyfudîn beřewanî
bexoy û beqoç ’usmanî
çû le bo xizmet sułtanî
mîrseyfudîn zor tirsawe
awřî we qoç ’usmanî dawe
dełê: netirsêm sułtan gelêk pyawe.
qoç ’usman dełê: qurban sułtan zor tewawe
kelamułła morkirawe
hemû qisêkman biřawe
ta çû le estembûłê bûn pyawe
ḧewtuwêkî lewê meḧtel mawe
xeber besułtan dirawe
gutî: biřon, řamemênin
bexo û be espî borey bênin
eger hate geyîye dîwanê
espî berne êxtexanê
de milî ken kot û zewlanê
de milî ken bexoy nezanîye
ew sał ḧewt sałe le min yaẍîye.
ke kotyan de milî kirdîye
birdyane xizmet sułtanîye
’erzî kird: qurban sûçim çîye?
sułtan fermûy: cwabit nîye.
’erzî kird: ew kelamułłayet bo morkirdîye?
xo le zatî tû diro nîye.
diro nabê beřewanî
befermanî xułay sułtanî
emînî pêẍemberanî
axir leser çim heye ẍeyanî?
sułtan fermûy: meydiwênin
quřquşmî bo wetwênin
nabê bezêřî bixinkênin
mîrseyfudîn degrîye
dełê: qurban! qabîletî ewem nîye
beẍdam da betû beyekcarekîye
memxinkêne sûçim nîye
sułtan fermûy kes nemdiwênê; tika nîye
beḧeqî ewey řebbîye
dena bargînim boçîye?
ew sał ḧewt sałe yaẍîye
xerc û pîtak bo min nîye
emin beẍday wam boçîye?
herwa dezanim şar nîye.
hîç kes nebû tikakar
boxoy gelêk girya bezar
hawarî kird bû: ya cebar!
ya bînay perwerdigar!
ya pêẍemberî muxtar!
xelas bim emnî gunahkar.
çend hawarî kird pařawe
feqîr tikay bo nekirawe
bepaş eweyan gêřawe
hîç wiçanyan lê nedawe
her birdyan le sitoyan dawe
cêbecê serî biřawe
xeber beqoç ’usman dirawe
dełê: çawim kwêr bû aẍam nemawe
aẍakem çû bû ewcare
seryan lewê fiřê da xware
beḧeqî ewey cebare
paş mîrseyfudînî nazdare
leser espî bore bû ew kare
emin pêy bûm gunahkare
hîç kes nabê lêy bê sware
lêy swarbibê le meydanê
bîkêşnewe êxtexanê
emin dembiřê řêy guzeranê
řêy guzeranêm biřawe
edî kelamułłaye çi bû nardî lewlawe?
nêwî xułay tê nûsrawe
ferman we diro geřawe
îşałła xuła lêy têk dawe
emin dinyay řûnim nemawe.
qoç ’usman pyawêkî harî
bo aẍay girya beyekcarî
hawarî kird: ya pêẍember! tû muxtarî
hem muxtar û mudebîrî
bê aẍa çibkem emnî êxsîrî
destî dabuwe qebzey şîrî
gutî: xułaye, kes nezanê
lîngî da bo êxtexanê
ke geyîye ewê, danamênê
destî da, şîrî derdênê
paşûy espî borey depeřênê
dełê: lepaş aẍam nemênê
biła nemênê beyekcarî
emnîş ḧeram dekem swarî.
xeber be sułtanî dirawe
ewîş le êxtexaney gîrawe
serî î wîş biřawe
xeber bebeẍdaye geřawe:
hertikyan mudeyan tewawe.
daykî mîrî dełê:
hawînêk geywete daykî mîrseyfudîn begî; çend hawînêkî germ û dijware
wek bedeştî bałînêda deçûme xware
nemdî çi pyawî befês û destirok, kîjî mil behîzare
weku biřêkî dî be deştî bałînêda dehatme xware
temaşa dekem, ẍełebeyek le dûr dyare
eger degeymewe bira maqûłêkî lêk dekird pirsyare.
demgut: ewhe çîye lewê dyare?
deygut: nazanim beyekcare.
biřêkî dî bekołanî řomîyanda deçûme xware
temaşam dekirdewe ewcare
ew ẍełebeye dû hezar kes debê be’ejmare
dayk serî bê bequrbanî swarî le şîn borey, lebin xêwetî wezîrî
beẍdayey dekird teqłe û haware
xuła małe řomîyan xiraka, bedengêkî biłind hawar deken
serî mîrseyfudînyan biřî qałbyan le minaran fiřê da xware.
lew dewrî heta ew zemanî
babademî, heta noşîrwanî
le noşîrwanî heta cimcime sułtanî
hîç kesim nedî wek mîrseyfudîn begî nan bida, seẍî bidatewe nanî
řawkere, řawî xoy dawîte beřye û byabanî
kar askan degirin be qefî goçanî
qełêdey zêřyan de milî deka, beryan dedatewe byabanî
daykî dełê: řołe! ewe naşukirîye.
dełên: daye! naşukirî nîye, lepaş mirdinî min sałêkî debête nan giranî
aẍa û noker û naybî min řûy xoyan bikenewe çoł û byabanî
kar askan bigirin be qefî goçanî
qełêdey zêřyan le milî derênin bîden beparû parûy de nanî
ew askane berdenewe byabanî.
dayk dełê: řołe! ewe bexşindeyî nîye. dełê: daye! berşewê dekujmewe
kełî, paşewê beranî.
dayk dełê: eweş bexşindeyî nîye. dełê: «daye! debexşim şîrêkî deban
bende şîrêkî surme kewłêkî de řomîyanî».
xuła! małe řomîyan xirabka; bedengêkî biłind bang deken, dełên: serî
mîrseyfudîn begyan biřî, qalbyan fiřêda dîwexanî de teterxanî.
înca begme xatûm dełê: xuşkê gewrey xanê!
biła estoy xoman berin ser kûpełey ximî. etû têbnê berserê emin
têy denêm bertanê
estoy xoman hełbibřîn be tîxan serî xoman bitaşîn be gwêzanê
ewřo dû řoje nuřenuřî tajî û tułan naye le derkî otrexanê
çûřî bazî naye le cibexanê
koře kořî espî bore naye le derkî êxtexanê.
mafûre û serendazan tozyan lê kewt, kes nîye leserî bika sertirîncanê
tas û tebeẍ jengyan lê kewt. lepaş kakî wek mîrseyfudînî kes nîye pêy bikêşê şîlanê
xuła małî řomîyan xirabka, serî mîrseyfudînyan biřî, kes be cendekî nazanê
dayk serî bequrbanî serî swarî şîn bore bê, weku lebin xêwetî
wezîrî beẍdaye deykird teqłe û cilîtanê
dayk dełê: çibkem lêm biřa çare
herçendî xanûm û xatûnin, pakî bê aẍaye, wekîl û wezîrim bê serdare
noker û tabî’ey kuřî min pakî esto xware.
edî qoç ’usman nehatewe lêy bikem pirsyare?
dayk serî bê bequrbanî swarî le şîn borey, eger lebin xêwetî wezîrî
beẍdaye deykirdewe teqłe û haware:
řołe, begmê, gewerê, were, kwênî deber bikeyn ewcare
xoman bawêynewe kin şahenşay, deşqemî bindatê top û topxane û serbazî bekare
ḧaşa le dînî kurdî ’irûs û îngilîs be îxtîbare
eger xwênêm bo nestênin ewcare
deçim le baregay xułay debme ’erizçî û şikayetkare.