culindî 1
medîne taze awedan kirabowe. pêẍemberî xułay le medînê bû. dinya hemû î kafran bû. beẍeyrez medîney. řojêkî hemû kafran çûne dîtnî padşay cułindî. temaşayan kird dû mûy le çeney sipî bibû. wezîrêkî bû gutî: «qurban! qet buwe etû mût sipî bibê?» gutî: «mûy sipî her bo min çake». gutî: «leber çî defermûy?» gutî: «wełłahî leber tayfey ḧîz û xirab». gutî: «axir ḧîzîyekey me çîye?» gutî: «wełlah, ḧemedemînêk peydabuwe medîney awedan kirdewe. ’elîyekî cadûkarî heye; ře’yet û mexlûqî min dekujê. bexezay dezanê. ew ’elîye nêwyan na şêrî xułay. emin demirim, ew ’elîye beqewet debê medîne destî le kafran destênin. but û senemî min deşkênin. emin de qebrîşda naḧecmêm; le ḧeyfî ew ḧemedemînê ew muwem lêre sipî bûn». wezîr gutî: qurban. cadûbazan bênne serî be sîḧir bîgirin, bîkujin, taqe swarêke, le kołî bikenewe». padşay culindî gutî: «hezar sîḧirbaz dereqetî naye; sîḧrî ew ’elîyey hênd zore, kes dereqetî naye». şeytan hate meclîsî cułindî gutî: «qurban! bo wa muşeweşî?» gutî: wełłah şeytan! leber sîḧrî ’elî cadûkar». gutî «qurban! pałewanan binêre bîkujin». gutî: «ḧemedemîn hêndey mekir heye de medîneyda ’elî cadûkar nakujrê». şeytan gutî: «qurban! edî mesłe’etit çîye?» gutî: «kesêk xeberim bo bênê ḧewt řojan le medîney wederkewê, medîney wêran dekem; darî leser berdî nayełim. ḧemedemînî debetłênim. bo kwê deçê betaqesware? xo çi muḧemedî namênin biçête nêwyan. dinya hemû î xome her cêyekî biçê her deykujin».
şeytan gutî: mizgênî ḧewt řojanit bo bênim çim dedeyey?
gutî: le but û senemî zyatir, le çawêkîm zyatir herçî etû bitewê
detdemê.
şeytan ke lewê hełsitawe
miḧleqêkî le xoy dawe
heta medîney mubarek řanewestawe
xoy kirde sofêkî îftade, de şarî medîney geřawe
çen mudetêkî kird tewawe
řojêkî ke le xewê hełsitawe
temaşa deka ’ezretî ’elî swar buwe řawestawe
pirsî: ewe seferî kwêy lebere bo kwê deçîye?
esḧabêk cwabî dawe bebê qeydîye
gutî: nazanim seferî kwêy lebere ema ’ezretî fatîme le mał nîye
yekî dî gutî: ewa le dway wî buwe be’êłçîye
yekî dîş gutî: deçête xezaye beyekcarekîye
yekî dî gutî: wełłah! ne şeře ne de’waye
’ezretî fatîmey le małî xułaye.
ewî dî gutî: şewê dî çuwe xizmet ḧezretî řesułłaye.
wedûy fatîmey dekewê deçête kabetułlaye.
eger şeytan ew qisey bîst tewawe
miḧeleqêkî le xoy dawe
hemû dinyaye be seyaḧî geřawe
ḧezretî ’elî řikêfî le dułdułî dawe
zorî bepele ajwawe
le hîç kwêy wiçan nedawe
heta çû le mekey mu’ezeme bû pyawe
şeytan ḧazre, řawestawe
ḧezretî ’elî nazdarî
dû rika’etî nwêj kird le baregay cebarî
zor pařawe behejarî:
ya xaleq! boxot muxtarî
le hemû cêyekî dyarî?
dinya û qyamet řot na beyekcarî
ca lewê řonîşt xewî beserda barî
şeytan xoy lê ḧazir kird beyekcarî
beyekcarî xoy ḧazir kird
sûretî kiçêkî cwanî degirt
beyekcarî xoy me’bûb kird
xoy debał ’ezretî ’elî řakird
demî bedemyewe na hoşî bird
hînde cwan bû, ewî keyfî girt
de xewêda ganî pê kird
eger le karî xoy bû tewawe
’ezretî ’elî le xewî hełsitawe
gelêk, gelêk boxoy giryawe
gutî: hełbet xułam lê řencawe
hîç ḧurmetî min nemawe
boye şeytan qewetî bemin şikawe.
way gut ’ezretî ’elîye
gutî: înca bizanim lêm řencîde nebuwe řebîye
bizanim qewetî caranim heye yan nîye
ḧezretî ’elî girya û gutî:
le xom naçarê
geyîye dîwarî ḧesarê
ke şanî we dîwarî dawe
gutî: bizanim curḧetekem mawe.
bedił le xułay depařawe
sełewatî le pêẍemberî dawe.
ke hêzî we dîwarî beytê dawe
pêy çeqand û şanî dawe
dîwarî beytê weku colaney sûřawe
gutî: ya řebbî xułaye! şukirî tû nakem tewawe
degeł şeytanim lê qewmawe
ca çibkem bo çuřêk awe?
leşim nwêjî pê nemawe.
katbêk hatuwe lewlawe
seławî lê kird tewawe:
bexêrêy, ser ew dû çawe
destî ḧezretî kêşawe
birdî kanîy nîşan dawe
ke şêr lewê řawestawe
şeytanîş hate ew nawe
perde bo şêrî gîrawe
ke xoy de kanye hełkêşawe
şeytan sedeqî lê dawe
sedeqî lê da bê qeydîye
şeytan beser kanye hełmîstîye
xoy qum kird ’ezretî ’elîye
axir şeytan nebedîye
diłopêk le mîzî wîye
peřye ser serî şêrîye
degeł awê têkeł bîye
çû girtî hertik çawîye
çawî girtin ew feqîre
hertik çawekey dagîre
beḧał cilî deberkirawe
le řastewxoy, řonîşt zor giryawe
zeferî bo hemû cêyan birawe
xeber be fatîmey dirawe
dełên: ’ezretî ’elî lêy qewmawe
hertik destî leser çawî řonawe
dułdułî lekin nemawe.
ke ’ezretî fatîmey way bîstîye
yekcar xoş hat beřewanîye
dełê: amoza! ewe çit lê qewmîye?
her etûy şêrî rebbîye
xo zelîlî bo tû nîye
dełê: seferî tû bê fîkirî birdim
dax û derdî tû swarî kirdim
detgut le swêyanit mirdim
leknim şeytan way lê kirdim
demgut: hîç kes pêm naba çarê
şeytanî bînim berdî lê barê
lêy estandûm řêy îxtyarê
êsta çawim lê naka karê
ḧezretî fatîmey fermûy çawşehênim!
xudawend bibê bedezbênim
ca dermanî le kê bistênim
binêrim erestû û luqmanî bênim
eger şeytan way dezanî
xoy xilqet kird bemusłimanî
çende pîrêjnêkî letîf û cwanî
nûr heye le nêwçawanî
xoy kirde dayey ersû û luqmanî
gutî: hatûme kin şêrî yezdanî
lekin min heye dermanî
ke wayan zanî esḧabane
maşełła çend pîrêjnêkî cwane
-beneḧlet bê ew şeytane-
dermanî kird de çawane
bê hoşî kird bestezmane
gutî: bênin boy biken colane
biła qena’etê bigrê ew bestezmane
debê řay jênin, heta ḧewt şew û ḧewt řojane
eger çi dermanî dîkey tê ken zelîl debê le çawane
emnîş řûřeş debim le baregay bînay çawane.
boy dana qerar û peymane:
emin ewa deřom lêrekane
’ezretî fatîme gyane
nîgahdaştîyê bike lew zemane
nabê yekî dî bête êrane
de çawî wî bika dermane
eger şeytan wa dezanê
destî kird belîngidanê
kes naybînê pê bizanê
kê bû le şeytanî neḧletîye
her deřwa, payey bo nîye
hîç kes naybînê û ẍeybîye
lewêy řonan kêşkiçîye
çuwe kin dułdułî bedzîye
nisḧetî wî zor kirdîye
dułduł lêy qibûł nekirdîye
temaḧî bû bîgrê be gazîye
xoy awîte ser serîye
şeytan dełê: «eger demkujî ḧeqit nîye
kuştinî min be çeng tû nîye.
çuwe bo kin zulfeqarîye
ew bê zimane agay lê nîye
gutî: zulfeqarî lê bidzim beyekcarekîye
bîbem bo şay cułindîye,
lekin xułay way pê xuş nîye
eger ew karey kird bû tewawe
miḧeleqî le xoy dawe
çuwe pêş cułindî řawestawe
gutî: mizgênîm bo tû hênawe
esḧabe karyan tewawe
ḧezretî ’elî çawî dagîrawe
ca lewřoke bewlawe
qerarî ḧewtuwêkim řonawe
dermanî çawî tewawe
ew şeytanî neḧletîye
bo şay hêna mizgênîye:
her etû padşay ’esrîye
şêrî xułay le mał nîye
dełê: bełat lê kewê, şeytanî neḧletîye
bozeswarêk lewê wederdekewîye;
leber ew bozeswarey kes řêy de medîneda nîye
cułindî dełê: bełat lê kewê, şeytanî neḧletîye!
medîney nebîm nûranîye
leber ew swarey kes řêy nîye.
şeytan ’erzî kird: padşay cułindîye!
ew bozesware yeqînîye,
ewe pêy dełên şêrî řebbîye
ewe xoşewîstî nebîye
bew but û senemey etû deyperistîye
beqayem pê bike beseḧîye
leber tû bûm be’êłçîye
le mekey mu’ezemem girtîye
çawyeşim dawe bewîye
dermanim bo dirus kirdîye
sebeb be şay cułindîye
hełbet qerarit ta ser nîye
eminit nard bedłixiwazîye
dermanim kird de çawîye
êsta etû beqat nîye
leknim meylit peşîmanîye.
padşay cułindî way gutîye:
şeytan î min û tû birayetîye
hîç małim le tû texsîr nîye
qiseyan xoş bû degeł şeytanî
şa werî girt îmtînanî
nardye ser bûsî sułtanî
sedhezarî leşkir hanî
hezarî bû kemberzêřîn
hezarî bû kursî nişîn
pak le serî ’elî qîn
hezarî bibû her mîrza
pakî hat pêşwazî padşa
şay cułindî zor benawe
lenêw xełqî řawestawe,
tegbîr le ’elî řonrawe:
medîney dekem biławe.
serdarêk hatbû lewlawe
beydaẍî le ser řawestawe
îklamî padşay kêşawe
gutî: qurban hełbete ’elî nemawe
dinya î tû yekber kirawe.
yekî dî hat le nebedîye
gurzêkî leser şanîye
hate kin şay cułindîye
gutî: qurban! ew qoşene çîye?
gutî: ewhe bo ser ’elîye
gutî: besedeqet bim ew taqe sware çîye?
yekî dî hat bedił û cane
ewî serkirdey topane
hate kin şay newciwane
gutî: qurban! medîney dekem wêrane.
padşa bewey pê kenî: gyane!
bew but û senemey pêm heye mitmane
eger şeytan bika diroyane
yek nayetewe êrane
’elî hên załim û zorzane
be şeytanş nakem mitmane
çunke nyetî cê û mekane
kê bû le padşay tewawe
le hemû ’êlatî gêřawe
ke leşkirî bû tewawe
cułindî pêy de řikêfî nawe
ḧewt şew û řojanî ajwawe
řojêkî bo êwarê dewrey medîne de ḧesar nawe
bîlalî ḧebeşî bida le bangî êwarê
temaşa deka çwar terefî medîney mawe de ḧesarê
kê bû le bîlalî ’ebeşîye
neyda le bangî muḧemedîye
deçû îklamî nebîye
’erzî kird: ya řesûłla serî minit bê bequrbanî serîye!
bangim neda çarem çîye?
hîç biř texsîr le min nîye
leşkirêkî zorim dîye
bê samane û çarem nîye
bangîş bangî muḧemedîye
ca nazanim fermanit çîye?
wehay fermû nebîye
ey bîlalî ’ebeşîye
bo xatrî min bibe êłçîye
biço bizane ew leşkire çîye?
kê bû le bîlalî ’ebeşîye
be fermanî xoşewîstî řebîye
řoy û neykird texsîrîye
bizanîn qisey yekcarekîye
le pêşewe geyîye ałaçîye
bîlal gutî: ałaçîye!
etû û dîney deyperistîye
serkirdey ew leşkire kêye, leçî şeqîye?
ałaçî gutî: bîlalî ’ebeşîye!
beheqî ew xułayey le jûrî serîye
qisêkim pê biłê beseḧîye
bîlal gutî: beserî xoşewîstî řebbîye
herçî biłêy ’îcbî nîye
cwabit dedemewe bedłîye
ałaçî gutî: bîlal şerit û şirûtî dînu çîye?
bîlal gutî: le gewrey xułay, le xoşewîstî řesûłlayê maşełła.
ałaçîy biłê: « wi’eşihd an la alh ala alilh wi’eşihd an miḧmidaً risul alilhArabic.»
maşełla le bîlalî newciwane
be ałaçîy kafranî hêna şad û îmane
ewîşî kird musłimane
bîlal gutî: ałaçîye!
edî serkirdey ew leşkirey kêye le çî şeqîye?
gutî: bîlalî ’ebeşîye!
serkirdey ew leşkirey kafrêke lewanî cułindîye
hatote ser medîney dełê xirapî dekem beyekcarekîye.
eger bîlal way bîstîye
hemû mûy qalbî bû be derzîye
le hemû bergan tê peřîye
çowe xizmet řesûłlay beyekcarekîye
dełê: ya řesûłla! serî minit bê bequrbanî serîye
hênawmetewe qisey seḧîye
serkirdey ew leşkirî kafrêkî cułindîye
hatote ser medîney dełê: xirapî dekem beyekcarekîye
becarêkman lê peydabû nařaḧetîye
îmamî ’umber çote genim kiřînê, ḧezretî ’elî çote beytułłaye; le mał nîye.
řesûłłay fermûy: «bîlal metirse, humêdî me řebbîye».