qoç ’usman 1
bexaleqî berqerare
bewey řoy nabû řojgare
mexlûq bîbê îxtîbare
dinya nabê berqerare
ew le bo ’ebdî hejare
qoç ’usman pyawêk bû řût û qût û lewî de bêkare
eger le daykî xoy zîzbû, le mergeweřê le bo beẍdaye dehate xware
dehate kin ewladî şa řostem began. sê sałan debuwe seqa û sêyan debû be abdare
serî ḧewtûmey debû be pêşxizmet û darkarî dekird wekîl û wezîr û řidêndare
de merkezî ew maqułîyeyda bû, şewêkî be dayk û baban bû întîzare
sibḧeynê le derkî aẍay xoy řonîştibû, damabû zwêr û zigare.
aẍay dełê:
«řołe, qoç ’usman, firzendî berqerare!
eger etû hatîye kin emin, hetîwêk bûy, kes pênewîst û lewanî de bêkare
sê sałan le derkî min berqerare bûy, kes pêy nebûy îxtîbare
êsta emînî małe minî, boxot bûy be qenedare
eger dełêy małim keme, zorim nîye îxtyare
kilîlî genc û xezênanîş wergire ewcare
bîbexşe bebarî, daẍanî bike be xełware
emanetî min letû ferz bê, ḧîsabit degeł biraderan řagre dînar bedînare».
deygut: «aẍay min! xuła řawestawit ka, bibê berqerare
mensebî maqûłîyêm zore, çî dî nakem îxtyare
emma ew şew dexewêda be dayk û babî xom bûm întîzare
debê merexestim bikey, biçmewe kin dayk û babanim, bewe’dey ḧewt şew û ḧewt řojan, ca dêm debmewe nokerî bêkare».
aẍay xoy lewê degełî kird guftare,
deygut: «řołe! sebrêkim lê bigre, heta qawey dexom, qawey dexom qenney dekêşim, dekemewe nehare».
dirawî bo dagirt bebarî, zêř û eşrefîy dekird serbare
swêndî beserî xoy deda îxtibarî pê nebû, bekelamułłay espard ew care
deçuwe êxtexanan derî dehênawe, cwanûlêkî nozînî sê sałî; de
piştêy dekird zînêkî murset, le tenîştî řikêfî ałdoz leser deste
qayşêkî cîřî bułẍare
de zarî dekird danelẍawêkî ḧewêze mirware
deçuwe cibbexaney aẍay xoy, hełî dekêşa demerqopanêkî saçaẍ gułebatûn lewî berqerare
de pêy xoy dekird çekmêkî mûsłî, lewanî de gułîngidare
de qebûłyanî dena cûtêk demançey ser bedûgme
bo řojî tenganan dên bekare
deyawîte şanî xoy zirêyekî dawwidî le milanî bibû berqerare,
de şanî dekird metałêkî heyzeran, ḧewt qube, ewîş bo řojî de’waye dên bekare
destî deda řimbêkî dûparî, hejde qefî lewî cewherdare
herçî bewî dijmin bû, deygut: «ew małe mîr seyfudîn begî deba le
kołman debêtewe ew şeytan û şofare
herçêkî bewî dost bû, şîn bû, giryan û haware
deygut: «małî aẍay mîr seyfudîn begî bird; nayetewe ewcare».
merkebî segławî le êxtexaney dênaderê be’îznî xuła û pêẍemberî lê debû sware
le hêndêkyan pêkenîne, le hêndêkyan giryane, qoç ’usman
dełê: «xułakey temenayan bo biken lew cebare».
qoç ’usman bo małe dayk û baban dehate xware
le hêndêk cêyan beřoyîn le hêndêk cêyan be wirdeẍare
şewêkî wextî nwêjî şêwan bemergeweřê bû întîzare
bemnidałî řoyîbû, bemałe dayk û babî xoy nedezanî ewcare
deygut: esp mirade, ciłewî şoř dekemewe, her cêyekî ew lêy řawesta,
lewênderê degirim qerare
înca sibḧeynê le małe dayk û babî xom dekem pirsyare.
ciłewî merkebî segławî şoř dekirdewe be kûçe û kołananda dehate xware le derkêkî çikołaney degirt qerare.
bangî dekird: ey xanexwê! lêy wederkewtin pîrêjnêk û pîremêrdêkî pîr û îxtyare
deygut: ewşew mîwanî engom deyangut: eme le mîwanî wek tû debîn
xecałet û şermezare
xercî bazařman nîye, nîmane pûł û pare.
ewe małe wezîr û wekîlan lewê bibe berqerare.
deygut: mîwanim ewşew, her lêre debim sitare.
merkebî segławîyan lê wergirt, kirdyan berqerare.
ew dayk û babî denasînewe, ewyan nedenasî ewe firzendî xoyan ewcare.
ew pîrêjin û pîremêrde deyangut: çibkeyn, be nanî wişkî le mîwanî wa debîn xecałet û şermezare.
qoç ’usman řuḧmî be dayk û baban dekird ewcare
bangyan deka: pîrêjin û pîremêrdî îxtyare!
engo leknim hîç firzendu nebûn, bow bê bekare?
dayk û babî qoç ’usman deyankirdewe giryan û haware
deygut: ew sał ḧewt sałe kuřêkman heye bo beẍdaye çote xware.
babî çawî kem bîna buwe, daykî lêy biřawe îxtyare
qoç ’usman dełê: pîrêjin û pîremêrdî îxtyare!
eger qibûł biken, emin ew ’usmanim cinêwu û damê, lêw dam, paş nwêjî
nîweřoyew derkirdim yekcare
dayk û babî bîln debûn, deyankirde haware
dełên: řołe, qoç ’usmane, taqane, bextewere!
were řonîşe lekin daykî xot heta sed sałî dî, babit debête pêşxizmet, daykit debête kenîz û kardare.
deygut: dayk û babî min, pîr û îxtyare!
şukiraney zorim weber cebare
eger dîdar axret nebû ewcare
emin aẍayekim heye, xuła bîka berqerare
hêndî zêř û eşerefî bo engo narduwe ewcare
heta sed sał bîxon, lêw nabřê û lêw nabê qutare
emnî swênd da bexułay be kelamułłay espardûmewe dûbare
eger neçmewe kin aẍay mîr seyfudîn beg, be cwanî demirim, kelamułła
demgirê, le xecałetî aẍay xom nabim řizgare
debê biçmewe kin aẍay mîr seyfudîn beg ta nebmewe mistexesare,
daykî dełê: elḧemdulîlay! kuřim saḧb îxtyare.
ḧewt şew û řojanî lewê degirt qerare.
řojêkî merkebî segławî hênaderê, de piştî kird zînêkî murset le
tenîştêy řikêfî ałdoz, tengey dekêşa be qayşêkî bułẍare
hegbey le terkî qaym dekird dayk û babî wî deyankird haware,
deygut: řołe! bo kwê deçî? deygut: dayk û babî min merkebî segław û xefexane, pêy deçme řaw û şikare,
deygut: řołe! edî ew hegbey bo le terkî berqerare?
deygut: ewe wesyetî aẍay mîr seyfudîne, kesêk pyawî bikujê, xoy bawête kin emin, sindûqî serî aẍay xom bîkem řizgare
kesêk jinê hełgirê, bê damêngîrî min bê, teseduqî serî aẍam deykem qutare
espim le řawê laqî bişkê zînim le ’erzî bimênê, dûsed tumenî dedem, debmewe sware
heta aẍam zîndû bê, pyawe nabim ewcare
dayk û babî min, megrîn, heta mîr seyfudîn beg xoş bê le feqîrî bûn qutare
pêy de řikêfêy dena, hawarî dekirde cebare,
sûçî řekêfê be merkebê nîşan da; hertik çawî merkebê kwêr bû, le ’erzîyêy nekird kare.
dehatewe kin dayk û baban, dadebezî ewcare
destî kird be giryanê, dełê: serim nabê qutare!
le ah û nałey aẍay xom qet nabim řizgare
çunke swêndî dawim degełîşî danawim qerare
dayk û babî min! engoş xêrêm lê nabînin ewcare.
ḧewtuwêkî lekin dayk û babanî girt qerare
firmêskî çawanî detgut beḧre, řûbare
dayk û babî řuḧmyan pê dekird ewcare
deyangut: řołe quç ’usmane bexteware!
boçît heye hênde giryan û haware?
dełê: dayk û babî min! beçengî xom nemawe îxtyare.
çibkem bebê îmanî demirim, xêrêm lê nabînin ewcare.
daykî be mêrdî degut: çake, ew firzendey xoman bikeyn řizgare
çunke le beẍdayey zor hen şeytan û şofare.
babî dełê: bexułam bezamin da, pêẍemberî bo bibê be tikakare
şîrî toy xwarduwe, bîke řizgare
hertikyan merexestyan dekird ew kuřî nazdare.
sibḧeynê eger swar debû be kûçe û kołananda dehatexware
xełqî mergeweřê pakî bo debû tikakare,
deyangut: biřo humêdewarit bê dwazde îmam û çwar yare.
dehatewe kin dayk û baban, îklamî kêşan sê care
dełên: řołe! heřo biřo; herçendî momin û melayketin, le baregay xułay bot bibne tikakare.
eger swarî merekebî debû le hemû layekî bibû řizgare
sûçî řikêfêy be merkebî segław nîşan deda. maşełła hêndêk dełên
teyre, hêndêk dełên şamare.
le mergeweřê bo beẍdaye dêtexware
le hêndêk cêyan deřwa be řoyîn, le hêndêkyan be nermeẍare
řegełî dekewtin xizim û bira û yare
deyangut: heta beẍdayet degeł dêyn ewcare.
şewî beserda hat, menziłî girtibû qerare
sibḧeynê swar debû, beřêy xoyda deřoyewe xware
le řêye geyîye xidrî zînde û xidrelyas, ewîş le baregay xułay boy bûn be tikakare
le deştî bałînê azîzim dehate xware.
be teřat û be nermeẍare
temaşa deka, le deştî bałînê řeşbełek buwe, selelat be çi qerare
temaşa deka, dawete, lotî û řeqase lew kare
le layê serçopîye girtûyane pyawî, be kêrd û kembere û çekmedare
lelay nêweřastê girtûyane, kîjî bejin barîk û sîng sedef û çaw bełek lewî gwê begware
lelay gawanye girtibûyan pyawî jin cwan û zorxor û xwêřî û bêkare
temaşay kird gumbezêk le dûr dyare
ew gumbeze tenîşt be aqşiqeye çwar terefî be ḧesare
qoç ’usman dełê: xułaye! ewe çîye? le kê bikem pirsyare?
lewlařa dehat pyawêkî aqił û kemałdare
ciłewî degrê, dełê: were, biçîn le małe min mîwan be, etû dyare ẍerîbî lew şare.
dełê: qurban, řêm lebere; qisêkim heye, lêt dekem pirsyare.
dełê: řołe! were biçîn dabeze, qenneyekî bikêşe lekin mamî xot řonîşe
bikeynewe guftare.
dełê: mame! xułat lê řazî bê, seferim lebere bimke řizgare!
dełê: řołe! etû danabezî, bizanim ewe çîye lêy dekey pirsyare.
dełê: mame! ew gumbezey lewêye, çwar terefî beḧesare
ewe hêndêk dełên: çakî tirkane, hêndêk dełên kilîsay hermenyan beyekcare.
dełê babim: diroyan kirduwe, ew mexłûqey şofare
qet be qisey ew xełqey meke îxtubare
ewe kember besteye bemnidałî şehîd kirawe, hîmet û bereketî ḧazirbê,
ewe pîr çake sware
her kesêkî be lebzêkî şîrînî zyaret bika, be diłêkî îxlas leser ewey
bika tobe û îstîẍfare
emin zamnim - řêgay çil sałan dûr bî, le tengananit dê le hîmdad û haware.
qoç ’usman aqił bû, kemałdare
deçû lewênderê pyawe debû, ciłewî degirt, pyawêkî řîş sipîdî berqerare
se’atêk degeł ew pyawî řidên sipîdî dekird guftare,
deygut: qurban! ewe kêye? deygut: hîmet û bereketî ḧazir bê, ewe pîrsiware.
qoç ’usman aqił bû hełsita zyaretî kird sê care,
deygut: pîrsiwar! bequrbanit bim le beẍdayem dijmin zorin, carcar le hîmdadim
were. şew û řojêkî lewê gîr debû temanay dekird le xułay ewcare.
îcazey wergirt, debû betobekare
lewênderê swar debû bo şarbajêřî beẍdaye dehate xware
temaşay kird, lelayekî esnafe, le yekî beqałe, le terefî dîke ḧetare
biřêkî dîy dajwa, le karwanseraye hate xware
temaşay kird, kurdî keřk deber bûn; deygut: ewe çîye?
deyangut: ewe hemûy cełeb firoşe, swêndixore, bê tełaqe, hemûy çêwedare.
biřêkî dî dajwa, le karwanseraye hate xware
temaşay kird, ’ecemî kewł řeqî pepaẍ řeş bûn gutî: ewe çîye?
gutyan:
’eceme, ’elî periste, nwêjnekere, hemûy kirêbare.
biřêkî dîy dajwa, le karwanseraye hate xware
temaşay kird, kułapan řonîştibûn, askyan leber dûkanê bûn
gutî: ewe çîye? gutyan: cuwe, ermenîye, le xuła netirse, hemûy qewedare.
biřêkî dîy dajwa le karwanseraye hate xware,
temaşay kird, ẍełbeẍełbêk beqed dûhezar kesî be’ejmare
şînkêkî qezwanîyan lewê řagirtibû, kilk leser çuwan, yał û dûy bejengare
hêndêkyan pêyan deda dûsed û sêsed be’ejmare
her kesêk çwar gułe dezûy le małe xoy ban, deybirde bajêřî heřac
firoşî dekird, deykird bepûl û pare
deygut: deşqem espî borem wegîrkewê, ca qet le xom nabřê, le
ewladîşim nabê qutare
eger qoç ’usman geyyê, sê carî da çwar kenare
le terefî řastî řodenîşt, deygut: «saḧbî espî bore, were».
eşrefîy bo debjard hezar behezare
ciłewî espî borey le çenk muştirîyan derêna, bo şarbajêřî řadekêşa xware
hêndêk deyangut: benk kêşe. hêndêk deyangut: qumarbaze. hêndêk
deyangut: ewe şerabxore, fêre qumare.
eger gwêy lê bû le řiqî xełqî geřawe dûbare
deygut: babim saḧbî espî bore were! dirawî le koşan bo fiřê deda xware.
deygut: babim, gerdinim aza bike nek diłit ledû bê, xêrî lê nebînim, le qyametêt le ah û nałan nabim řizgare.
ciłewî espî borey da be hetîwêkî, ḧeqîşî dabûye şeş pare
îxtîbarî bewî nedekird, boy bekirê degirt dû pyawî řidên sipî leknî dadena be’emîndare
debû be hemuwanî xizmet biken, řinekî biken řojî sê care, boyan dekirde paşbend û pêşbend awrîşmêkî berqerare.
awrîşmî xawyan bo dekirde selke řêşme, î dîkey bo deken guł’ewsare, leser dûkanî necařanî bo dirus dekird, qełtaẍêkî çwar kułaẍey çinarî cewherdare
leser dûkanî seřacanî bo dirus dekird, tekełtuwêkî awrîşmidozî be’îxtubare
leser dûkanî hemedanyanî bo hełdegirt, desteqayşêkî cêřî bułẍare
leser dûkanî asnigerî cûtêk řikêfî dirus dekird, dane liẍawêkî ḧewîze mirware
leser dûkanî şîrgeran dirustî kird cûtêk zerg bo bałetengê mîsrî û gorde û qedare
leser dûkanî xeyatî dirustî dekird serzînêkî parçêk mahût, yekêk
meḧmeł, yek etłes, çwar terefî dekird be xaray newbehare
çil destî awrîşim hełdegirt, deykirde saçaẍ, ewîşî dena le çwar kenare
cûtêk tułey fînoyan degêřan, ewîşyan bepûł kiřî bibête şatir, biřon le kenare
eger ew tedarekey debû berqerare
swar debû be kûçey şarbajêřê dehate xware
deygut: «ewe asman kun bû espî borey pêda hatote xware
pêşkêşe bo aẍay mîrseyfudînî debem; lemin waye lêm xerc nekirduwe şitaqe pûł û pare».
ḧewtuwêkî le şarbajêřî řodenîşt, xizmetî espî borey dekird ewcare
paş ḧewtuwey swar debû be’îznî xułay lebo beẍday řengîn dête xware
nwêjî şêwan daxîl bebeẍdaye debû, bederkî aẍay xoy debû întîzare
teq teq lêy da le xwace bêdare
lêy wederkewtin, keyxuda û emîndare
temaşa deken qoç ’usman buwe berqerare