şêx ferx û xatûn estî 8
ferx bang dêłî: «ey sîye! ey sîyey qořqořkere!
le germênê hatûy seferî kwêstanêt lebere
emnîş ferxî dawdîyem lewê derbedere
emin ẍerîbim lewanî qelendere
were ew qaqezem ta şarî dawdîye le bo bere».
sî dełê: «ferxołe! ewe le çeng min nayê
gelêkim diz û dirozin hen leser řêgayê
xecałet demênim çim pê nayê».
ferx dełê: «sî! eger ḧezê deka pyaw bê penhan bê
her le ḧewt sałan yaxwa! sałêku qiřan bê».
ferx lewênderê becê dema, bedił شکستەیییە,
eger deyřiwanî destêk qurîng dehatin lelayekî dîye.
bang deka: «ey qurînge qurîngey newciwane!
were xwarê gelêkim betû heye fermane
ew qaqezem bo bere şarî dawdîyey gewre û girane».
qurîng dełê: «ferxołe! emin le biłindan etû le newîyan»
ferx dełê: «le biłindan, were newîyan, le newîyan were zewîyan
le zewîyan were kin ferxî mamadîyan».
qurîng dehate xwarê tewawe
ferxołe bepîrîyewe çû destî destoy kirawe
qaqezekey hełgirt û lebin bałî muşammay dawe.
qurîng dełê: «emin beqsey tû deçim eger ser neyenmewe dwawe
gelêkim cerde leser řê řawestawe».
ferx dełê: «hełsite, leser serim lengerê bigre, nisḧetim bikem tewawe».
qurîng hełfiřî leser ferxî řawestawe.
ferx bang dêłê: qurîngê, serbexoye!
etû êłçî emnî, kobekoye
emin daym řuḧim lekin etoye
eger deřoy le řêyet degatê hełoye
pyawêkî naçîzeye, tiřoye
heta detwanî, milan kom bikey leberî biřoye
eger lewênderê ředbûy bexatre
lewlatrîş hen řêgre
ewîş meskenî seqre
heta detwanî leberî biřo, deserî hełbiře
eger bexêr lewê řadebrî
baze řêt lê degrî
bazêkî çeng bexwêne
îklamî lê bikêşe amanî leberbêne
de’bayekî saḧb řaze
necîm û gelêk mumtaze
lewênderê ew detka serefraze
biřo lewêş damemêne
leser řêt cerdeye, ewîş meskenî şehêne
esto keç bike amanêy leber bêne
eger bexêr ca lewê hełdebrî
şewt beserda dê befir û serma řêt lê degrî
lewênderê xot bawê golî ka bekirî
ew xewasêkî çake betû řê degrî
detbate małe xoy, zorit qedir degrî
sibḧeynê bo çêştanê le şetî miradê înşałla lekin xatûn estî naz û nazdarê dawrî».
kê bû le ferxî tewawe
gelêk lewê le bo xoy giryawe
qurîng şeqjinî le bałî xoy da, hełsitawe
qurîng řoyî, ferx becê mawe.
qurîng le hemû tenganan xelas bû heta şewê le golî ka bekirî dekird seławe
ew tořî beser awêda dawe
bo małêy bird geřawe bedwawe.
eger zanî êłçî ferxołeye, heta sibḧeynê esto keç le pêşî řawestawe
sibḧeynê merexestî dekird; şeqjinî le bałî xoy dawe.
bo hendehendî çêştanê le şetî dawdîyey le xatûn estî û naz û nazdarêy kird seławe.
deyangut: «xułakey! ewe de’ba birîndarî kirduwe, yan gulleyan lê dawe».
nazdar boy çû herçendî kirdî boy negîrawe
nazê boy çû hełat; detgut şête ḧemayet nekirawe
xatûn estî boy çû, bałî xoy kird biławe
xatûn estî be’amêzêy deygirt deyhênawe.
deygut: «xuşkê! biła bîgeřêyn bizanîn kwêy birîndar kirawe».
bałyan hełdehêna, qaqezêkî lê muşemma dirawe.
hersê xuşkekan carêkyan le bangê dawe
lewan wabû mirduwe ewhe qasîde cwabî hênawe
hełyan girt; bo kin mam ẍełîfey çûn tewawe.
mam ẍełîfe dełê: «řołe ewe çîye?»
dełê: «babe ewe qurînge; qaqezî ferxołey hênawe».
mam ẍełîfe qaqezekey xwêndewe; gutî: «karêkî gewre qewmawe
«ew qasîde ser’efraz biken, biła biřwa bewlawe
bizanîn ew mesłeḧete be kê debê tewawe».
mam ẍełîfe pyawêkî zorzanî
nardî le dû hemû kuřekanî
gutî: «řołe! ewe qaqezî ferxołeye xowzanî».
eger xwêndyewe tewawe
gelêk bezelîlî nûsrawe
kuřekanî gutyan: «babe eme çibkeyn lew karî natewawe?
xo ewe le şêxałe keçełî marekirawe.
bexułay! nayda bo şarî şamê xatûn estyê binêrîn bewlawe».
mam ẍełîfe dełê: «biçin şêxałim bo bênin» şêxałyan hêna lewlawe
îklamî mam ẍełîfey kêşawe.
mam ẍełîfe gutî: «mam şêxe! karêkî xirap qewmawe
debê degeł kuřekan bîkeyn tewawe
le swêyan hemû cergim sûtawe
behemuwan tegbîrêkim bo biken, ferxołe le wiłatî ẍerîbyê becê mawe».
şêxał gutî: «emin nazanim ew qise çîye?
engo hełbet bemin dełên: binêre şarî şamê xatûn estîye
wek tê defkirim ew kare hey serupay nîye?
emin jinî xom bo binêrme şamê bo xełqîye?
qet ewhe řezaye bo dînîye.
dełên etû jinî xot binêre bo yekî dîye.
wełłahî! emin deçme kin sułtanî estembûłê debim be’erizçîye»
şêxał hełsita řoyî bezîzîye,
mam ẍełîfe gutî: kuřîne! eme mesłeḧetman çîye?
bome ’eybe ferxołe bimrê le ẍerîbîye
kuřekan gutyan: «daykiman bê biçînewe kin şêxałîye».
dayk û kuř řêk kewtin beyekcarekîye
çûne nêw meřî dawênî şêxałyan girtîye
gutyan: «debê xatûn estî beme bidey bezamnîye».
gutî: «eger xatûn estî binêrne şarî şamê, eger neydatewe çarem çîye?»
bûne zamin ew kuřane
swêndyan xwardibû bequr’ane
«şêxał bira gewrey hemuwane
xatûn estêt bo dênînewe êrekane».
daykî boy xward swêndî dîye:
«tirist nebê nebedîye
ferx aşqî îllahîye
ew karey etû dełêy nîye
bot deynimewe êre xatûn estîye».
eger ew qisaney kird tewawe
şêxałyan hêna lewlawe
detgut êxsîre gîrawe
melayan hêna tewawe
qur’anyan hênan lewlawe
çil şewanyan qerar danawe
xatûn estîyan qur’an dawe
tedarekî bo gîrawe
leşkirî bo dirus kirawe
serbazî le san dirawe
pak ałay bo hełkirawe
leser seḧatê řawestawe
eger şeypûryan kêşawe
gutî: «dewłet zyad û małî awa».
le bo şamê beřê kirawe.
ḧezretî ẍews hat lewlawe
ew qasîdêkî tewawe
tengey ’erzî bo kêşrawe
çilon beçeperî ajwawe
ḧewt řojî kird tewawe
çendî serbaz becê mawe
swarey şiksitî hênawe.
řojêkî hate řoj’awa
le dewrey şamê hełî dawe
xeber beferxî dirawe.
ferx çendî mizgênî da: «çiray dinyayem hełkirawe»
ferx eger wa dezanê
bo xułay debjêrê şukiranê
qoşenî dira le sanê
lewê dûrbedûr deřwanê
dełê: «edî xatûn estî kwanê?»
xatûn estîy bełek çawe
tedarekî bo gîrawe
neyzanî ewe şarî şamêye lewêy hełdawe
bełedî hênan lewlawe
deygut: «sibḧeynê degeme şamê řoj’awa?»
hemû sedeqyan lê dawe
ew mexlûqe pak lêy gořawe
heta nwêjî şêwan tewawe
bangî xewtinan lê dirawe.
ferx bo diz çû bewlawe
denêw qoşenê geřawe.
hemûy xesteye, yek hełnestawe
bo xatûn estî hat wawe
le çadrêy dekird seławe
hîç kesîş cwabî nedawe
destî da lêfey, hełdawe
kêşkiçî hatuwe lewlawe
tund tund ew dize gîrawe
xatûn estî le xewê hełsitawe
gutî: «ewe çi buwe çi qewmawe?»
gutyan: «estê bełek çawe
dizêkî ḧîzbab hat lewlawe
qulîniçkî lêfey tûy hełdawe».
xatûn estî: deçrîkênî
qoşenî pak wexeber dênî
bang deka feřaşan hełdestênî
dełê: «debê hêndî lê den ta deymirênî».
hêndyan lê da çarey nîye
zimanî şika le bê kesîye
çunke dize tikay nîye
hewłê deden zincîr nîye
kezî estoy piçřî estîye
dest û pêyan tund bestîye.
ferx dełê: «ewa demirim le xoşîye
bira ew êłçîye kwênderîye?
hatuwe le şarî dawdîye
êłçî tû şamêt boçîye?
eger way zanî xatûn estîye
gutî: «hertik çawekem kwêr bîye
xo ew ferxî dawdîye
emin hatûme kin ewîye
êsta buwe bedzî xeyberîye
dest û pêyan kirdewe beyekcarekîye.
bîst û no řojan pêkewe řonîştin; swal û cwab nîye».
gutî: «swêndim xwarduwe beyekcarekîye
eger neçmewe kełamulla demgirîye
xuła demkujê çarem nîye».
ferxołe gelêk degrîye
sibḧeynê tedarekyan girtîye
le sanyan da tifengiçîye
hemûy swarî ’erebîye
ferxołe quřî weserîye
şamê cêy ẍerîban nîye
beřêy kird xatûn estî
ewîş ledûy bû êłçîye
ke çil şew tewaw debîye
negeyîye cê estîye
şêxał çaweřêy î wîye
le xesûy kird gileyîye:
«edî estî boç dyar nîye?»
beserîda hat nexoşîye
hatewe şarî dawdîye
hênd nexoş bû, ḧałî nîye
ḧewtuwêkî zuban nîye
mîwanî xułay hatin le ẍeybîye
řuḧyan wergirtibû lewîye
bote çember û girîye
daykî çû ser ximîye
çend mela û sofî û qazîye
hełyan girtibû xatûn estîye
birdyan le bo qebrîye
teslîmyan kird bexakîye
ẍeyrez xułay hîç kes nîye
kar bexułay debê tewawe
mexlûq bo małê geřawe
bangî xoşîyan lê dawe
heta ḧewtû bû tewawe
tedarekî bo gîrawe
xêr û ḧesenatî bo biken; lawe
eger ḧewtûy bû tewawe
ferxołe hatewe lewlawe
gařanêk lewê řawestawe
sebir sebir çû belawe
dełê: «gawan! le şarî dawdîyey çi qewmawe?»
dełên: «netzanî mamî řidên sipî, hatî lewlawe?
xatûn estî ewřo ḧewt řoje nemawe
biço xêratî bixo tewawe».
dełê: «gawan! heřo biřo řizqit swar bê; bo xot pyade bî. qet naygeyêy».
ferx lêy çuwe şarî dawdye.
ferx çuwe małe pîrêjnêkî, gutî «were, le małêman řonîşe; deçim xêratî xatûn estyê dênim etûş bixo; emnîş dexom. ew hewîrey baweşên bike mêşî lê nenîşê». ferx degrye: «ay le xom feqîr û êxsîrî
ḧewt sałanim le şarî şamê kirdewe mîrî êsta serencamanim hatotewe ser baweşênî hewîrî».
ferx çû bewlawe
nanî xêratyan beferxî dawe
beser serî şêxałîda kird. şêxał destî da xencerê; gutî: «detkujim tewawe».
ferx bo qebran hełat řêy kewtin wawe
heta geyîye qebrî xatûn estî, destî le kêlekey werhênawe.
ferxołe dełê: «xułaye! ne bekebrênî, ne besebrênî
gyanan dedey gyanan destênî
yane xatûn estyê bo min wejênî
yane emnîş bekêlî wêwe bimrênî».
herçend du’ay dekird ferxî bestezmane
lêy nehate cwab xatûn estyê nocwane
le baregay xułay dehat mîwane
řuḧyan lê wergirt ew bestezmane
dehatne serî ew hemû xizmane
zerîfyan deşut seyd û melayane
kin xatûn estyê lê bû gořxane
ferx le xatûn estyê mîwane.
řeḧmet le gwêdêrane
beneḧlet bibê şeytane
tewfîqê bida bînay çawane