biřwane le coşî diłekey piř xeterî min
From the Book:
Dîwanî Zarî
By:
Zari (1905-1982)
1 minutes
347 views
biřwane le coşî diłekey piř xeterî min
kûrey giřî hîcrane le pê ta be serî min
sûta be şerarey şemî şewqit cesedim gişt
birja be biłêsey ẍemî dûrî cigerî min
her ewneye řêjawe dû dîdem le ẍemit xwên
deryayekî xwênîne hemû dewr û berî min
her leḧze deken taze birînê le derûnim
birjang û biroy diłberekey leb şekerî min
lem hemuwe birînane le cestem be mijey kird
carêkî nepirsî be kerem sîmberî min
pamałî ẍemî dûrî egerçî minim emřo
dîdarî cebînîye miḧellî nezerî min
dêwane kesêke ke neka meylî temaşay
enwarî cemałî gułekey ’îşwegerî min
wek darî beheştî semerî kamî diłane
şoxê ke berî da, be diłî bê semerî min
«zarîPen name» were têkuşe be dił bełkû wedes xa
tacê le ẍubarî derî meḧbûbe, serî min