pêncixiştekî qani’ leser şî’rî ḧemdî saḧbiqřan
From the Book:
Guɫaɫey Merîwan
By:
Qani (1898-1965)
5 minutes
856 views
şukirî xwa ke perdeyî mîḧnet diřayewe
petroy birînî ’aşiqî şeyda kulayewe
dûbare cejne agirî ’uşret kirayewe
bulbul be cende dêt û delê «dey» biřayewe
şaxî dirextî ’umre şikofey jyayewe
coş û xiroşî hewre ke wa hate zar û şîn
ne’rey sedayî berqe enirkênê ew beqîn
seyranî seyre gulałe be dû çawî piř nimîn
teqlîdî dîdekanî minî kirduwe zemîn
her kwêreşîwe ke çeşmeyî têda jyayewe
sułtanî befrî şaxe perêşan û mateme
ordûy sehoł û zuqme kilîley hemû xeme
řojî necatî weḧşîy û seyranî ademe
newroze, cejne, boye çiraxanî ’aleme
ya agire le ’umrî «şita» çû kujayewe
daranî lanzare hemû hatne ziman
kêkif be soz û sazewe. bang eka le erxewan
biřwane sûçî bax û le sirwey berî beyan
’er’er le lencedaye, le řeqsaye serwekan
bergî çemen le řengî zumuřřed kirayewe
nirkewguřey şemałe ke hat çeşnî şêrî ner
çûzey binî direxte le dujmin ke kewte geř
kuř naxełef nebû ke netirsa le şoř û şeř
xeyrulxelef nîhalî le cêdaye sewz û teř
darê be befir û badî zimistan şikayewe
azîze bang eka be sedayêkî nermewe
biřwane bo cinûr le şaxa be sermewe
bem pestyeş bibîne girewî lê bibermewe
guł destî yasemînî le milda be şermewe
fermûy zemanî bulbule ba bête kayewe
eyyamî tołesendinî sułtanî newbeharîye
em řoje řojî mêwe ke zincîrî dar bîye
kwanê wenewşe le kwêdaye dyar nîye?
wa têdegem le bezmî çemenda çira çîye
lale keronî şewnimî kirde çirayewe
tersa mîsale yaro ke zennareke zulfîye
kogay gence řûmetî řeşmareke zulfîye
ḧełqey tenafî gerdinî diłdareke zułfîye
bo gerdinî ’uşşaq hemîşe behare ke zulfîye
’uqdey syahî demî řyaḧîn kirayewe
em bone bonî yare eger bonî guł nebê
ew tace tacî şaye şikofey le çil nebê
em xak û xołe pakî ’ebîre simil nebê
qetranî tê tikawe eger daxî dił nebê
ya surmeye be dîdeyî nergis kişayewe
şewbo û sûr hełałe îşare le yek eken
seru û çinar û pełke ke sucde le yek eben
emřo le lalezarî sefadaye yasemen
hengamî wesłe şespeř û mîna be yek egen
perdey zefafe qews û qezeḧ řakşayewe
biřwane çawî hewr ke coş û xiroşî kird
daranî serkiławe hemû sewzepoşî kird
gencî çya becarê gulałey le koşî kird
lîmo qedeḧ le çawî turince ke noşî kird
bedmest û serkeşe beşî nergis nemayewe
axir nefesye kilîle ke terkî kelam eka
zistanî sarde wîda’î le xas û le ’am eka
nobey behare birakem ḧukmî xoy be kam eka
gerdinkeçe wenewşe le zenbeq selam eka .
nîlofeře be qehqehe lêwî kirayewe
katê ke hewr girtî seraser hemû zewîy
tałanî befrî kird çi le berzî, çi nêw newîy
sûr helłigiřa gułałe le şadî ke têgeyî
bûkane erxewane le tarayî pembeyî
xwênî diłî be xemzeyî şîrîn tikayewe
ew xatemî nigîne ke senra le ehremen
dûbare kewte destî suleymanî yasemen
sařêjî kird birînî be bay şemał dareben
çetrêkî bê bere ke dirextanî narewen
xêwet ke dûbere nîye sêber be layewe
ahûy mêrẍuzare leser bezmî hatuçû
herdem legeł gewzen û keł û gor řûbeřû
popey giłûk exon be meram û arezû
giryey ’îneb be baweşî badamewe wekû
tifłêkî şîrexore be ber memkî dayewe
sofî be xot û řîşewe xot lade megre řê
biřwane bezim û şor û sefaye le şar û dê
toş wêrdî xot bigoře were serbasî mîm û yê
her ’etrî bîdmişike nesîmî seḧer ke dê
ney dête řeqis û lence exate kayewe
cennetşikêne kake hemû kêw û deşt û der
ḧûrî nigîne bira nazî yarî sîmber
te’sîr ekate řoḧ û ebirjê hemû ciger
xwênî ewende germe gułî ateşî seḧer
lu’luyî şewnimî le mezaqa twayewe
amadeyî girtinî dawênî yare diřkezî
gencêkî çwarde sal û teř û tazeye keçî
serdanewawî selame ke wextê çinarî dî
pestî miradî ḧîkmete bałay şořebî
werne cwane qametî boçî çemayewe
biřwane kêw û kej hemû gułzare damenî
xunçe be şorî bulbulî miştaqe pêkenî
hêlanedoze piçiř û epirsê le melbenî
kew kohsarî girtuwe seḧraye meskenî
hudhud be tac û ḧacî be şan û ’ebayewe
wa, cařî da çemen ke geyştim be arezûm
şabaşî guł ekem, le nebûnî zistanî şûm
kotir ełê le şwênî cûtî xome hatuçûm
tebrîkî sałî tazeye bazî mirade bûm
hatote der le xełwe be řîşî řyayewe
«qani’Pen name» ke kewte şî’ir, le şî’rî deqayqa
çon řaste řast ełê le meqamî ḧeqayqa
gułdeste şî’rî ḧemdîPersonye fayq beser şeqayqa
ḧemdî nebê xulase le cem’î xelayqa
’umrêkî taze lezzetê taze be şayewe