fesłî zistan
From the Book:
Guɫaɫey Merîwan
By:
Qani (1898-1965)
2 minutes
1124 views
ey weten! zistanî sardit wek hîway kurdanme
řût û qûtî darekanit wek giroy lawanme
bo kiłêłet quř bipêwim wek quřî ser şanme
befir û baran û biłûket her wekû giryanme
to xerîkî mirdinî boye minîş dwa gyanme
xwênî germim sarde bêşk her wekû befrawî to
dił wekû yexbendî toye bo nîşane û nawî to
řoḧekem bo derneçê bo gułşenî fewtawî to
ey weten çon danemênim wa kiz û damawî to
kurde sadey bên bigryen şîwenî nîştimanme
ey weten sed ḧesreta bo ẍîretî ’ehdî qedîm
bo selaḧeddînPerson û ’adil, bo qubadPerson û bo kerîmPerson
kwanê ne’rey řustemit? kwa bêjenî bê tirs û bîm?
şêrekanit mirdin û bêkarekan saẍ û selîm
negbete doçarî şanî kurd û kurdistanme
ey weten! hîç xem mexo řojê ebê bo axrî
destî beyza derkewê, sîḧrî nemênê samîrî
çun seraser cewherî, nek cewherî her agirî
kê ełê deşt û der û kêw û kenek danagrî
emřo ba wabê birakem, çun newey şêranme
hozî kurd! takey be ẍefłet? ta bekey mestin lexew?
ta bekey xoxwardin û dujmin be yek wek hozî kew?
řojî řûnakit leber çî tarîke wek nîweşew?
gahê çaweřwanî em bî û tawê xizmetkarî ew?
ey weten! tołet be estoy fîtne û dûzwanme
cehil dûranî dû çawî bazî teřlanî tewar
kurdekanî xiste paş bêgane û turk û tetar
her zemanê çawî ber bû kurdî řendî huşyar
ca temaşa ke le lirfey pyade û hełmet swar
şahîdî em îddî’ame debdebey babanme
qani’aPen name! mîllet hemû kwêre! ebê kê berkewê?
mîlletê koşiş le řîş û pirç eka çon serkewê?
kurdî cêmaw çon le naw bêganekana derkewê?
ey xwa ah û nizûley xakekem meḧşer kewê!
ca ezanî kêye řûřeş berdemî yezdanme?!