netîcey xohełkêşan peşîmanîye
From the Book:
Baxçey Kurdistan
By:
Qani (1898-1965)
2 minutes
640 views
sałê kabrayek çexmaxsazê çak
jîr û leser xo des û desa û pak
lûle konêkit bibirdaye boy
eykird be tifeng wek karxaney xoy
be çawî xom dîm le şarezûrLocation bû
bełam be jîrî xoy zor meẍrûr bû
çû bo ser dûkan, dûkanî domê
domê sed sałe pîr û pişt komê
katê çawî kewt be mişte û gazin
dezga û çermêłe û pêkene û peřoçin
zor zor pêkenî bem esbabane
eyut emîşe esbabî nane?
danîşt le cêgey pîrî komawe
takê kiłaşî hêna bemlawe
şifrekey hełgirt bo biřyamanî
çûn îşî nebû hîç lêy nezanî
katê şifrekey naye ser peřo
pencey xoy qirtan xoy kird řenceřo
herçî hewłîda desî seqet bû
sen’etî xoyşî ledesî derçû
lem axrîyeda tewaw kewte swał
esûřayewe lem mał bo ew mał
kelk
kake gişt beşê beşî xwaye
bizane sen’et yek le yek cyaye
nabê meẍrûr bî bewe ke eykey
le deskarî xełk her te’ne bidey
key bizanî ke xway hemuwan
heryek becorê dinyay damezran
yekê be şêtî, yekê be jîrî
yekê becwanî, yekê be pîrî
xwa em dinyayey weha danawe
bem core eřwa hetakû mawe