«hera heray pîrêjnêkî bedfeř le hobeda ke mangayekyan be tałan birdibû»
From the Book:
Las û Xezal
By:
Karim fidayi (1928-1993)
2 minutes
610 views
yek pîrejnê le hobeda bû
bo hobe be řastî beła bû
bê şerim û bê ḧeya û bed xû
şeytanî ker û dizêwu û dû řû
deykird ke le hobe şîte şîte
detgut kewe ẍûle ew sełîte
ya ew jine ser zil û dizêwe
bew dîmen û terḧe dêłe dêwe
mangayekî ew hebû be tałan
çû, kêşeyî her dexsite małan
řûy kirdewe tawłî xezałê
de3yigut çye lase bo le małê?
danîştuwe tařwa ke gařan
bê nîtewe ew le bo hejaran
ew bê degeł ew xezałe hemdem
gařan eger bira, cehendem
lew jûrewe ba bika qumaran
çî dawe le şîwenî nedaran?
ew deste milane wa degeł to
baxełk le hobe bê be bê do
doman le hewar û hobe nawê
ew mezne deka ke gurge řawê
ẍemxorî xełk nebû ke serdar
petkî le milî xe to le ser dar
pişkûře çeqey dekird û nebzût
pařawe xezałe şoř û deygut
pûrê meke deng û dey bijêrim
mangayekey bo eto denêrim
ba las le xew nebî xeberdar
nabê le dizane dest berdar
bes bîke be qûle û be hełła
ew derkeye berde ey berełła
ew lase hemîşe ber bełaye
tirsim heye biçte ew çyaye
tîrêkî bełayî nagehanî
bidrê lew û dabnê gyanî