qesîdey tezkîyey nefis û huşyarbûnewe le ẍefłet
From the Book:
Dîwanî Xadim
By:
Khadem (1895-1953)
4 minutes
951 views
diła ta key le xwabî ẍefłet û bêhoşîya mawî?
le îdrakî řimûzî me’newî serşoř û damawî
le «mala yi’nî» û bê hûde goyî serfî ’umirit bû
ecel dewrit eda etxate berpê xoy be nakawî
zemane çerxe ,çî çerxe ,felek dewwarî dewrî to
hezaran def’e bay dawî keçî êsta ke her xawî
esîrî řeng û bonî ’azîzî dunya heta key bî?
giriftarî be boney daney xałî le naw dawî
beçawî ser temaşagahî to meḧbûbeye donya
’eceb mawum legeł em pîre fertûte ke guncawî
hezaran şew eka herdem le aẍuşî yekê daye
wîsalî zehrî mare qatîlî ’alem be nakawî
benoşî têdekey nîşe,beşehdî tê degey zehre
beşîrînî ezanî axrî taławe,talawî
řefîqanit le meydanî mesafî dujminanî ton
etoş wek pîrêjin emřo le mała mat û damawî
weku řostem bipoşe cewşenî merdî le meydana
lejêr destî ’edu takey beḧîzbîy û be bed nawî?
bemerdî pê binê řêgey silûkî salîkanî ’eşq
be beḧra têkełî ke gerçî to yek qetrey awî
le meyxaney miḧebbet ger binoşî badeyî weḧdet
dû ’alem dête ber çawit le wextêka ke bê çawî
emanet barî serşanit le mîsaqî ezel da bû
emanet bo çîye? bem kare bê me’na wegîrsawî
beyadit bênewe ’ehdî qedîmî ḧezretî canan
newaley sîdqî xot derxe heta wek sifre nedřawî
şerabî ’îşqe bînoşe be yadî çawî mestî yar
sûraḧî bade meşkêne heta wek goze neşkawî
le ser bazî miḧebbet to hemû dem her bedem dedwêy
demêke to le ser em agire kałî winebirjawî
serî řiştey miḧebbet bermede hem meypisêne to
heta wek dawî cawî ’enkebût lem sate nepsawî
ale çawan eşk bibarêne le xwêcî cergî buryanit
bigrîy to bezarî ta be mecbûrî negryawî
weku perwane bem şem’î cemale xot bisûtêne
heta bem agirey dûrî le hîcrana nesûtawî
lefewtî arezûy em nefse pîse to meweste qet
le îqlîmî fena kesbî beqake ta nefewtawî
leřêgey meqseda herdem şewu řoj řameweste to
gezê řêga neřoyştûy eger çî řanewestawî
mîsalî qewmî mûsa her weku pirgare sûřanit
le nuqtey nesewe hêşta lexakî tya damawî
le hestî têpeře meşqî meqamî nîstî keto
nîşanî bê nîşanî xawenî nawî bebê nawî
bekwêrey to temaşeke le ẍeyrî ’alemî zahîr
’ecayeb ’alemêkî zor muhîbit dête berçawî
lebaẍî me’newî bê dest eçênî hem guł wiřêḧan
le ’alem ’alemêkî tir ebînî to bebê çawî
ḧewasî karwan asa bere bo subḧî sadîq zû
lesubḧî kazbî řet be le tarîkî şewa mawî
lederdî ’îşqî canan da weku eyub sabîr be
şerabî muẍtesel ’eynî şîfa eyxoytewe awî
eger meqbûlî dergey şahî xuban nabî emřo to
le bê sebrîte wa lem dergeye mirdû widerkirawî
ferîbî řeng wigunagunî dunya qet mexo îtir
bebê řengî temaşake çeřengit dête berçawî
le esła řengî bê řengî, bedił tawwisî sed řengî
lezuştî herdû pay xot demêke wa xecel mawî
lesûret têpeře, menware neqşêkî hîwlayî
ẍerez labe, heta řet bî le cewher to be nakawî
eger wesłî silêmanit ewê mûrêkî pałeng be
mesîḧ asa muceřřed be ’irûcê ke eger pyawî
le ḧusnî newbehara řengî guł egrê eger xarî
le baẍ û baẍewan û guł ’icayb dûr û damawî
le bezmî xasî mestanî şerabî ’îşqî em şoxe
şewê danîşe bem ḧałe be bedḧałî û bednawî
mucahîd bo cemalî yare xadîmPen name werne eyzanî
le dunya talîbî dû metre xak û çend gezê cawî