xunçey lêwî kirdewe wek pêkenî abřiwî tika

From the Book:
Dîwanî ’Ewnî
By:
Awni (1914-1992)
 1 minutes  1032 views
xunçey lêwî kirdewe wek pêkenî abřiwî tika
çend diłopêk şewnimî şermî beser rûda tika
baxewan şadbû gułî bînî le bax pişkewtiwe
bulbulîş xoy renceřo zanî debê şîwen bika
hênde bayî bû be řeng û řû letafî cwanya
taku weyşûmey xezan lê yida liq û popî şika
ta neřencê lêm zyatir yarî naskitir le guł
lê y meken hergîz tika ger dij bemin herçî bika
xoy dezanê dił ke pêkawî nîgay çawî ewe
dił řeqe řeḧmî nî ye biřwa meken çî bo bika
aşkiraye lay ke çend xoşim dewê sûdî nî ye
ger řeqîbî seg sîfet sed hênde bedgoyî bika
perçemî lada leser řûy wek çiray dił têgeyî
çeşnî perwane debê şew meşqî mergî xoy bika