awatwaz min
From the Book:
Hewargey Diɫan
By:
Seyyed Taher Hashemi (1915-1991)
2 minutes
516 views
awatwaz min ...
hey dos, hey diłsoz, awatwaz min
hey sermayey ’işq, soz saz min
hey cagey derdan, yagey řaz min
hey ahûy xuten, mişkîn naf min
hey ḧûr beheşt, sewz kełaf min
hey cilwe û cela tawus tar min
hey lale û semen new wehar min
hey sewł sersewz weşdemax min
hey taf û seraw, miłk û bax min
hey çemey ḧeyat gyanbexiş min
hey sunbuł neban lîmo pexiş min
hey xerman guł, mawî xał min
hey derman derd, weşî ḧał min
hey destey gułan şox weşboy min
hey hawřaz wîr şewan ta řoy min
hey desřenc ’işq mał û genc min
hey piř wefa û meyl, dił ne řenc min
hey ’îşwey dîdet sung sewday min
hey qaj ebrot têx wimewday min
hey ce zyan dûr, maye û sûd min
hey ḧełqey ḧeytar, dax û dûd min
min her tom henî ne řûy dinya û wes
meyl dił we ton ta axirnefes
xakim we zełał ’işqit sirişten
xet ’işq tom ne dił nwîşten
ce řoj meḧşer we boney towe
řêze sixiwanim zînde mebowe
lung sewday to mekêşû ne doş
yanî nyenî çêgeş feramoş