xem xełatmen
From the Book:
Hewargey Diɫan
By:
Seyyed Taher Hashemi (1915-1991)
2 minutes
703 views
xem xełatmen ...
ce dûrî diłber, xem xełatmen
weswasey azîz dûrułatmen
pejarey zuhrey sub sełatmen
derdînan wedax kogay derdimen
xezanan zayf řeng zerdimen
şêtan sewdaser sewday sextimen
sersaman sadar sayey bextimen
er meynet wiřenc, ercefa û xemen
yekser ce neḧsî tałey min cemen
çoł bêdî gêł, serherdan mawam
ser netaş sext, meẍaran sawam
kerdenim we zêd quley serkawan
ahim we payey hefit eflak yawan
nigam ne seyran kuł ałem řesten
dîdem ne asoy asman besten
ta key berbeyo se’îd sitarem
ce pirşey şołeş sifîd bo çarem?
weşen berbeyo nesub seḧerda
tewen do we tał şems û qemerda
bew şerit mihreban derdîn newaz bo
bełê wêş zuhren, muşterî waz bo
nek wêney miřřîx bułend demax bo
hûnřêz û bêbak, ’aşiq we dax bo
pêşanîş řexşan neser zaxan bo
qeredax dił pêş çiraxan bo
ce şewq şołey ew berguzîdem
ser kero seylaw dêwaney dîdem
ewsa wêney qeys yarim beła bo
mekanim ser herd gewre qeła bo