nûr bînayî her dû dîdey min
From the Book:
Hewargey Diɫan
By:
Seyyed Taher Hashemi (1915-1991)
3 minutes
813 views
nûr bînayî her dû dîdey min
meḧbûb bê’eyb berguzîdey min
cela bexiş şewq awêney diłim
merhem bexiş ne řûy zam qatiłim
tebîb azar derdî bê derdîm
germî kałay şox, mayey diłserdîm
serçemey esrîn dîdey nimînim
baş mîrawekey sercoy esrînim
şemî sozendey perwaney cestem
sefay derd dił meynetan xestem
sêsed çûn cemał perestarten
hezar çun kemał xizmetkarten
şîrînî ce tam řêzey řazten
tałî, qarqîn ẍemze û nazten
ebrot hîlalen ne ew cemînda
ca girten ne be dirdûheftemînda
le’il meygûnit şekermeřêzo
ce řazit şerbet kewser mexêzo
xendet çûn behar gewher’efşanen
dendanit wêney sedef řexşanen
zinicit wêney sêf newsuweyl řeşten
ne xałtida boy ’enber aweşten
bałat terḧ sewł řeştey îlahî
sena xwanşen جەمەە ta mahî
řeftarit maçî serdelîley řem
ganga û ga naz, gahê ’îşwey çem
zułifit mayey mişk çîn tataren
boy xał ałat ’etir’etaren
zułifit tarîkey şewî deycûren
gerdenit tilo’ sebay piřnûren
ce toda cemen î ẍuře wiselxe
î şewwi’î řoj, şîrîn û tełxe
wefa sergerdan mayey meylten
cefa dił ewgar cexem keylten
er zeřřen, eger şêwey şîrînen
ne asanetda, řû ew zemînen
bełê hey ahûy xuten weten xo
şehd şeker řaz, şox ’enber bo
ye çendên pey to tew wile rizmen
nałey elweday hezar terzimen
perê çêş cedeyn gunam netersay
hewał cey bîmar ẍemgîn nepersay
er sed ce lay to napesendenan
bełam we dîdet gilemendenan
nek waçûn ce lat saḧîb qîmetim
bełke min ’aşiq dił piř meynetim
çendê nîştenan xatirperêşan
çend sałan pey to min cefam kêşan
řojan ce hîcran sîney çakim bî
şew zûx zaman dił xorakim bî
mebya bêmeylî çenîm nekerday
řesim buzurgî weca bawerday
bende newazî ’ar nebya perêt
bipersay hewał xestey nigay wêt
êstake weytewr řeḧmê nekerdî
řay wefadarî weca nawerdî
bazher gyanifday bejin bałatim
du’a goy nuxtey xał ałatim
ana ’erîzem kyana welat
řoşin bo dîdem, we ẍubar pat
bizane we ḧał cestey xem werdem
bibexşe gunay kone û wiyerdem
gyanifday pence û řeşḧey xametim
întizar şehd cwaw nametim