giftar dir byan ançih sal pincim az nibut ḧizirit sîd ka’nat ’ilîh alsilam waqi’ şid aynist
From the Book:
Rewzetul Sefa
By:
Mirza Ebdilqadir Paweyi (1850-1910)
3 minutes
227 views
cew dima ḧezret feř bexiş şahan
ḧebîb dawer şay enbyahan
perdey setir xof ce mabeyn biberd
ḧukim nibuwet we ’am êzhar kerd
le’net kerd we but, we but peristan
we giroy muşrêk ehil sermestan
qureyş dêwyan çûn ateş pare
pey musłimanan, ne her kenare
ẍerez, we her kes furset mawerdin
ce ehil êslam zecir mekerdin
ta axir ḧezret şay «xîr al’enamArabic»
melûl bî ce daẍ kem peştî êslam
ferma êwe kem, kafir bê ḧesab
mebo xelas ken wêtan cey ’ezab
gurêzûn ce qewm qureyş serkeş
êmşew hêcret ken bişin pey ḧebeş
be’zê muhacir ew şew teşrîf berd
be’zê ce mekke wêşan penhan kerd
ehil muhacir eweł yazde merd
çenî çehar jen ew şew hêcret kerd
nîştin we keştî berşîn ce awan
ẍerez, ta be mułk ḧebeşe yawan
suretî «walincim îza hwîArabic» hem
we lay pêẍember naził bî cew dem
ḧezret sucde berd hem şukirane kerd
muşrêkan çenîş yek yek sucde berd
pey muhacran î xeber berdin
watin muşrêkan îman awerdin
dîsan ce ḧebeş hem de’wet kerdin
teşrîf pey mekkey şerîf hem berdin
persaşan xeber ce řawyaran
ce ḧezret ce qewm giroy bedkaran
watşan bełê qewm be êtêfaq
sucdeşan berden gişt be bê nêfaq
muḧemmed çûn yad xuđay ême kerd
cew bone êmeyç hem sucdeman berd
îse hem qureyş ’edawet daran
er bigno we dest yekê ce yaran
mekeranş zêbiḧ perê butxane
pey watey mexlûq dewr zemane
axir la’elac aman we xefîf
’ewdet kerdişan we mekkey şerîf
her yekê wêş wist we yaney kesê
her yek pena berd we sayey xesê
îlla ’ebdułła bin mes’ûd nebo
pey mułk ḧebeş gêławe ce no
dîsan hem qureyş hicûm awerdin
bînay ’edawet hem taze kerdin
dûbare ḧezret ferma we yaran
we ehil hêcret mêḧnet guzaran
mezanûn hem bed ce bedter mebo
muracê’et ken pey ḧebeş ce no
ber neşîn ce qewł fermûdey ḧezret
muhacêr dîsan kerdişan hêcret
beẍeyr ce sêẍar heştad û sê merd
çenî yazde zewc şay gerden bê gerd
koç kerdin yekser cew zêd û mawa
ta gişt we ulkey ḧebeşe yawa