astifsar abutalb az ḧizirit nibwî az a’în aw û mi’ezun daştin ’ilî (kirim alilh wichih)
From the Book:
Rewzetul Sefa
By:
Mirza Ebdilqadir Paweyi (1850-1910)
3 minutes
501 views
walêdey ’elî fatêmey xuşbext
ce ebûtalb su’al kerd be sext
watiş ce ’elî nedarî xeber
ce dîn ecdad wêş şyen we ber
ce to û ce ayîn qedîm wiyerden
dîn muḧemmed êxtyar kerden
ye xeylê ’eyben perê şe’in to
ferzend bew tewre na xelef bibo
ayîn meḧkem nekêşo we kêş
ber bişo ce dîn cedid û abay wêş
to be teḧekkum cêş qebûł meker
ferma bawereş bideş ga we ser
ebûtalb wat wesen efsane
henî cey fêşter efsûn mewane
çûn ’elî emrê xelaf nekerden
sucdeş we xuđay muḧemmed berden
be xuđa muḧemmed dîn ḧeq daro
pey çêş? pêẍember ummeten aro
ta ebûtalb yek řo cey xeber
şî pey diłguşay qesir pêẍember
bizano ’elî be çêş meşẍûłen
esił ’eqîdeş be kam usûłen
ḧezret cew demda ce nexley şerîf
ne pay ew telar mertebey zerîf
çenî şay merdan sa’et be sa’et
eda mekerdin nimay cema’et
ebûtalb dîş ḧeyran mend ce kar
persa ce ḧezret şay buřřaq swar
wat ya muḧemmed ’etir û ’enber bo
ye çi sin’eten kerdenit we xo?
ḧezret da cwab bew guftarewe
bew řêzey řazan şeker barewe
watiş ya ’emmî îne xełaten
cibre’îl awerd xuđawend waten
řoşnî řay çoł cadey şefamen
ḧuccet we êsbat ehil êslamen
hem kilîd qułf qapî beheşten
sermayey seyran sefa û gułgeşten
ce dinya sêḧet ceste û qameten
mayey azadî řoy qyameten
sa bo to hem dîn êslam qebûł ker
îman be xuđay layezal bawer
be xuđa menzûrim her êđen ey ’em
biłêsey dûzex newînî we çem
ebûtalb wat dînit serîḧen
fermûdet ḧeqqen qewłit seḧîḧen
bełam min ce dîn cedid û abay wêm
ber nimeşûn sa, her çî meyo pêm
«’ibdalimtilb» her dînê daşten
bezir ew zer’e be min guzaşten
tebeřřam nyen min ce dîn ew
ta meḧşer her ham ne ayîn ew
bełam to hem min we ẍeyr meşmare
daym dîn wêt meḧkem biđare
her çî cibre’îl ḧukimş awerden
xuđawend we to çêş êzhar kerden
emir û ḧukim ḧeq gişt we ca bawer
ce ’edûy qureyş zeře xof meker
ce giroy duşmen hîç nebot endêş
kes ḧeddiş nyen pa binyo ne pêş
her ta min zêndey řûy ser besatim
daym piştîban pişt dergatim
imûrat wêt we «ḧisb alxiwa»y dił
muradit temam gişt biker ḧasił
ferma hem ’elî dînş dîn ton
ham řaz û ham qewł ham nişîn ton
mebo ce emirit ber neşo we ber
ẍułam to bo ta «yum alimḧişirArabic»
ce’ferim ce no me’zûn kerd aro
dîn to ne dił meḧkem bidaro
’eqîl hem merdê şîrîn xo mebo
ewîç her tabi’ dîn to mebo
ce tequyetit wêm «ḧitî alimqidurArabic»
kotayîm nyen ce niza û ce dûr