giftar dir mîlad asi’d an şifî’ ruz mî’ad û dir ḧwadsî kih dir an sibib dist dad
From the Book:
Rewzetul Sefa
By:
Mirza Ebdilqadir Paweyi (1850-1910)
4 minutes
700 views
sa çûn ce eyyam «’îsî bin mirîmArabic»
ta weqit zihûr řesûl xatem
heşt sed sał temam dewr wiyerde bê
dewran we merdum bazîş kerde bê
cew dem murselê ya ulul ’ezmê
nebê ce dunya bidero nezmê
merdum ser be xud be sehu û nisyan
mayl bîn yekser be şîrk û ’isyan
’ereb ta ’ecem dinyay dûn temam
berşîn ce adab ayîn êslam
daym êta’ey şeytan mekerdin
sucde we sûret butan mewerdin
be’zê we ateş, be’zê hem we lat
be’zê be ’uzza, be’zê be menat
her yek we çêwê îmanş mawerd
her kam êta’ey sengêweş mekerd
ce naga nesîm subiḧ se’adet
guşad kerd qapî qesir hêdayet
ḧûryan besat şadî nyaşan
des des îsebreq melbûs poşaşan
qapî cehennem qufiłş diryawe
derwazey beheşt ce no kiryawe
gişt we hefit qełem wêş arayş kerd
wêşan we xwerşîd azmayş kerd
ẍêlman we qedeḧ «’in tihurArabic» ewe
firîştan we teşt peř kafûrewe
nêda mekerdin peyapey we dew
mewatin mewlûd eḧmeden êmşew
aftab ce şerq ’êzzet tilû’ kerd
qemer ser ce burc řeḧmet berawerd
ẍerez, mêhir û ma çenî seyarat
sewabit temam seqif semawat
’erş û kursî û lewḧ «filk alaflakArabic»
nuqat û merkez ta dayrey xak
ce yumin qedem şay «xîr alanamArabic»
řuşin bî yekser çûn ayêney cam
mela’êkan gişt mewatin yekser
bex bex merḧeba «ya xîralbişirArabic»
ḧamlan ’erş keřûbî temam
mekerdin aheng we hezar meqam
xutbey weladet mustefa wendin
kûs řêsalet eḧmedî jendin
qehqehey şadî berz bî ce dinya
mewlûd namey xas muḧemmed winya
weḧşyat sucdey şukirane berdin
ḧemd û senay ḧeq we ca awerdin
mewatin oxey şukiraney dem dem
peyda bî ḧezret şay xeyre meqdem
şêwe şîrîn ter ce «leylة alqedirArabic»
se’îdter ce leyl «yum fitiḧ albedirArabic»
duşemmey xuřem ce mekkey şerîf
ce qesir beyza mertebey zerîf
«ribî’ alawilArabic» ce dewazdehem
peyđa bî ḧezret řesûl xatem
we qeyçî xeyat kałay layenam
xełat wicûd poşa we endam
keş û ko û kemer, sara û herd û berd
we şan ḧezret gişt îman awerd
gişt bî be gułzar řeng kaw û keş
gułan xoş demax bułbułan ser weş
kilîsa û kenişt řehbanan ce dûr
ew şew we carê yekser bîn xapûr
but û butxaney ’ersey ser zemîn
ce ser ta we pa şeq şeq bîn ce qîn
şeytan yexey wêş ce ẍerez kerd çak
text û telbîsiş nigûn bî we xak
serîr şahan gişt bî seringûn
ferman fermay dewr tûna bîn we tûn
zeban milûk gumřay dił ce seng
yekser ce teqdîr gişt bîn lał û leng
wişk bî ser çeşmey deryaçey sawe
horda ce mesken mułk semawe
ew şew cew şeref zilziley giran
naga kewt we taq kesray newşîrwan
ce mu’cêzey pak mewlûd xatem
ser taq camřêz şeq şeq bî we hem
çwarde parçey kungirey řengîn
ce taq kesra ama we zemîn
ateşkedey fars zerdeşt meşhûr
hezar sał temam megřya ce nûr
bew zebaney berz ne’rete û xiroş
ce şew mewlûd ḧezret bî xamoş
ne soz ne ateş ne ateşxane
bî be ’êbret pey ehil zemane