ḧikayt تایفەای az tiwayf qirîş kih dir bitxanh ’icaybha ra dîdih budind
From the Book:
Rewzetul Sefa
By:
Mirza Ebdilqadir Paweyi (1850-1910)
2 minutes
451 views
tayfey qureyş ce kîne kêşan
şîn we zyaret butxaney wêşan
ce butxane da şew ’eyd mekerdin
te’am û şerab, şerbet mewerdin
’eyd ewan û mewlûd xatem
êttifaq ew şew her dû kewt we hem
dîşan butan gişt seringûn byen
hîç kam çûn caran berqerar nyen
her kam ne cay wêş kewten we řûy xak
lêş waran ẍubar syay sehminak
qebîley qureyş serasîme war
gişt we ah serd ḧeyran bîn ce kar
butan ce řûy xak horgêrtin we cext
yek yek nyaşan hem we ban text
dîsan hem bew tewr ce kufir û ce kîn
her butê pey wêş da we řûy zemîn
ẍerez, ta sê car we dił perêşan
butan nyan gişt we cagey wêşan
her seringûn bîn ce řûy xak xem
esrîn çûn seylab meřêzan ne çem
tayfey qureyş we şîn û zarî
’eydişan gêła wey derd karî
watşan sewgend we řutbey wêtan
sa axir ye çêş qomyan lêtan
yek butê ’ezîm e’lay ewan bê
ce laşan me’bûd baqî butan bê
şeytan şî ne qelb ew çoy sendeł terz
ama we cwaw we awaz berz
wat ey mu’aşêr nyen agatan
xirab bî mesken butxane û catan
êmşew muḧemmed meḧmûd muxtar
mustefay mursel ḧebîb cebbar
tewellud byen ce walêdey wêş
aman we dinya bê xof û endêş
ne ’eyş memano ne hewa û hewes
ne but memano ne butxane û kes
gişt meban batił wey we yanem wey
terk mebo bazar noşanoş mey
çûnke pêẍember axir zemanen
nasêx û mensûx baqî edyanen