nawî mangekan be kurdî kirawe be şî’ir
From the Book:
Dîwanî Xadim
By:
Khadem (1895-1953)
2 minutes
1503 views
behar
[yekem mangî behar]
ewwełî behar «xakelêwe»ye
nesîmî ’etrî gułî pêweye
bulbul bo gułşen wa beřêweye
ẍunçeş wa xendey beser lêweye
[duwem mangî behar]
«banemeř» duwem mangî behare
katî şefafî guł û gułzare
katî kwêstan û cêge û heware
xawen meř û mał destyan be kare
[sêyem mangî behar]
«cozerdan» mangî sêyemî behar
bo felaḧ peyda ebê îş û kar
katî zerdibûnî sewzî û mêrẍuzar
bulbul le dûrî guł eka hawar
hawîn
[yekem mangî hawîn]
«pûşpeř» ewwełî mange bo hawîn
cejnî bedene û katî xoyn cimîn
řoj eçte burcî seretan be tîn
le seḧra sipî ebê gyay şîn
[duwem mangî hawîn]
«gelawêj» duwem mange ey bira
estêrey zuhre eçête cewza
merîx le meşrîq zû ebê peyda
le axîrî mang şew zyad eka
[sêyem mangî hawîn]
sêyemîn mangî nawî «xermanan»
katî xerman û zexîre danan
şiddetî germa û tilû’î mîzan
le burcî esed řoj ebê penhan
payîz
[yekem mangî payîz]
«řezber» ewwełî payîze gyane
şew û řoj herdû yeksane
le burcî ’eqreb hênde bizane
řoj daxił ebê lem çend řojane
[duwem mangî payîz]
«xezełwer» duwemîn mange lew weqte
gełařêzanî dar û direxte
řoj çend řojî tir weha řêkewte
daxlî burcî qewse lew wexte
[sêyem mangî payîz]
«sermawez» sêyem mangî tewawe
şew bo dirêjbûn katî nemawe
sermay payîze sermay bedwawe
le ewweł mangî zistan bestirawe
zistan
[yekem mangî zistan]
«befranbar» ewweł mangî zistane
katî barînî befir û barane
zorî nemawe lem çend řojane
dest ka be zyadî řoj lem řojane
[duwem mangî zistan]
«řêbendan» duwem mange le zistan
řêbendan zorî ebê le kwêstan
bergî feqîran edřê le serman
çilûre û sehoł be gwê swanan
[sêyem mangî zistan]
sêyemîn mangî «řeşeme»y nawe
nîşaney waye zistan nemawe
dengî pişîlan be myawe myawe
dawud û miryem îşyan tewawe