ئەز چ بێژم؟!
لە کتێبی:
دیوانا فەقیێ تەیران
بەرهەمی:
فەقێ تەیران (1590-1660)
1 خولەک
1541 بینین
ئەز چ بێژم چ بەیان کم
مەخفیا تە ئەز عەیان کم
سڕێ دلی ئاشکەرا کم
کەس ب حالێ من نەزان
چەندی بێژم سڕ و حالان
ئاهـ ژ دەستێ چاڤ غەزالان
هەر دنالم ماهـ و سالان
کەس ب حالێ من نەزان
ماهـ و سالان ئەز دنالم
شەڤ و رۆژ تالب وسالم
عاشقێ بەژنا شەپالم
کەس ب حالێ من نەزان
عاشقێ بەژنا لەتیفم
خەستە حالم پڕ زەعیفم
موبتەلا قامەت ئەلیفم
کەس ب حالێ من نەزان
موبتەلا قامەت فەنامە
ژ یار و دۆستان جودامە
عاشقێ نوورا خودامە
کەس ب حالێ من نەزان
عاشقێ سێڤ و بها مە
ژ بۆ جەمالا مبتەلا مە
گەر ببینم جان فدا مە
کەس ب حالێ من نەزان
ئەو باغێ سۆرگول دنیڤێدا
یار و مەحبوب مەشیان تێدا
خوەشە ژی کەیفا دنێدا
کەس ب حالێ من نەزان
ئەو مەحبوبا وەکو ستێرا
تەعەسیرا کچا مێرا
تە حەلاندی «فەقێ تێراناسناوی ئەدەبی»
کەس ب حالێ من نەزان