ب چار کەریمان
لە کتێبی:
دیوانا فەقیێ تەیران
بەرهەمی:
فەقێ تەیران (1590-1660)
1 خولەک
1299 بینین
بچار کەریمان دین موحکەمین؛ بێ وەجهـ و سوورەت ئادەمین
د کەنزا قدەمدا قدەمین؛ ئەڤ مەسئەلە راست ل وە تێ
راستە قەوی ئەڤ مەسئەلا؛ ئەسلێ قسان دزانی مەلا
حینا کو بو «قالوا بلىٰعەرەبی»؛ ما هوون نەبوون د حزرەتێ
د حزرەتێ ما هوون نەبوون؛ د خلوەتا باخوێ خوە بوون
ل هاتنێ داراستە بوون؛ حەتتا ڤ رۆژا ئاخرەتێ
حەتتا هەیین ئەم مائلین؛ هشیار ببین ئەی غافلین
ئەم ژ حەیاتێ دەست هلین؛ ژ وەعدەیا ئەمانەتێ
باری ئەمانەت وی ل وە؛ ناکم سیاسەت وی ل وە
فەرز و کفایەت وی ل وە؛ حەشر و بەیانا کاغەتێ
باری ئەمانەت ناس بکن؛ ئەو خوار دبت هوون راس بکن
خوە روو سپی و خلاس بکن؛ پەشێمانێن قیامەتێ
ئەو «میم و حێناسناوی ئەدەبی» قەلب و متالان؛ هەر ب وان فکر و خیالان
راست دکت پەند و مسالان؛ شاعرێ نەسیحەتێ