هەی نائومێدی
لە کتێبی:
دیوانی وەلی دێوانە
بەرهەمی:
وەلی دێوانە (1826-1881)
1 خولەک
889 بینین
هەی نائومێدی، هەی نائومێدی
هەی ڕەنجەڕۆیی، هەی نائومێدی
هەی یاران چون من بەدبەختێ کێ دی
پەی هاڵ نەزانی ڕووم کەرد نە بێدی
چۆڵان تەی کەردم «جەبەڵان» یەکسەر
جە تووس و توون بیم یاوام وە تەبەر
هەردەی نەجد قەیس گشت دام وە پاوە
پەروانە دەستوور سەر وە سەوداوە
یاوام بەو زامن ماوای قیبلەم بێ
مەکان و مەسکەن گوزەرگای «شەمکەس» بێ
هەوران چۆڵ دیم زامن وێرانە
بایەقوش بەستەن جەو مەسکەن لانە
نە دەنگ دەییار نە سەدای یارەن
دەنگ وێرانە «وادی القَهارعەرەبی» ەن
پەرسام بایەقوش هامدەرد دەردم
ڕەفێق هامڕاز ناڵەی نەبەردم
من «پەروانە»ی وێڵ وڵگەی دامانم
جانشین «قەیسکەس» شای کەم فامانم
کۆشی کۆچ لەیل شای شەم جەمینم
گوشادی خاتر خار خەمینم
بایەقوش واتش: «پەروانە»ی کەم فام
ئیسە ئامانی وەی ماوا و مەقام
کۆچ خێرش کەرد لوا وە لێڵاخ
پەی من حەسرەتمەند پەی تۆ ئاخ و داخ
وە ئیقباڵ نەحس وێم دامامەوە
نائومێد جە شەم هەم ئامامەوە
یاران هامسەران نائومێد وێم
هەی عەبداڵ «بەڕ» دوور جە زێد وێم