تەیران تیژباڵ
لە کتێبی:
دیوانی وەلی دێوانە
بەرهەمی:
وەلی دێوانە (1826-1881)
1 خولەک
812 بینین
تەیران تێژباڵ، تەیران تێژباڵ
قازان قوڵەنگان تەیران تێژباڵ
خۆزگە پێتان بۆ جەی ماواو مەحاڵ
مەشدێ وە لێڵاخ بەند سەر ساراڵ
مەگێڵان کاوکاو بەند لێڵاخان
یوورت چەراگای بوڵەند دەماخان
مەوینان وە چەم سیاماڵ خێڵ
مشکین کڵافان کۆی کەتوون وە پێڵ
پۆل پەری ڕەم تایفەی جافان
نازک نازداران عەنبەربۆ نافان
تەمام نازاران واشتەد کەژ وەدۆش
دیدە مودبران بەرگ داراپۆش
یەک یەک خاڵخاسان خێڵ مرادی
جە ئێڵاخ چەنی قیبلەم وە شادی
مەگێڵان وە فەرق سیاماڵاندا
مەدیان وە خێڵ سۆسەن خاڵاندا
درێغ منیچ تەیر هەوایی بیام
چەنیشان بەو زێد تا ڕاهی بیام
چێگە تا ئەو زێد بنیشتام وە باڵ
شاد بیام بەو زێد بەو ماوا و مەحاڵ
تا قیبلەم چەنی پۆل ڕەوێڵان
بدیام وە سەردەم تەتار خێڵان