teyran tîjbał
From the Book:
Dîwanî Welî Dêwane
By:
Wali Dewane (1826-1881)
1 minutes
557 views
teyran têjbał, teyran têjbał
qazan qułengan teyran têjbał
xozge pêtan bo cey mawaw meḧał
meşdê we lêłax bend ser sarał
megêłan kawkaw bend lêłaxan
yûrit çeragay bułend demaxan
mewînan we çem syamał xêł
mişkîn kiłafan koy ketûn we pêł
pol perî řem tayfey cafan
nazk nazdaran ’enberbo nafan
temam nazaran waşted kej wedoş
dîde mudbiran berg darapoş
yek yek xałxasan xêł miradî
ce êłax çenî qîblem we şadî
megêłan we ferq syamałanda
medyan we xêł sosen xałanda
dirêẍ minîç teyr hewayî byam
çenîşan bew zêd ta řahî byam
çêge ta ew zêd binîştam we bał
şad byam bew zêd bew mawa û meḧał
ta qîblem çenî pol řewêłan
bidyam we serdem tetar xêłan