چۆڵ نشینە خۆم
لە کتێبی:
دیوانی وەلی دێوانە
بەرهەمی:
وەلی دێوانە (1826-1881)
1 خولەک
1215 بینین
چۆڵ نشینە خۆم، چۆڵ نشینە خۆم
چون «قەیسکەس» مەجنوون چۆڵ نشینە خۆم
بەخت سیاوشوم دڵخەمینە خۆم
مەحرووم دیدار دنیا و دینە خۆم
ئەرامەندەی دوور بێ دیانە خۆم
ڕەفیق وەحشی وێران یانە خۆم
سەرسام سادا زەدەی دێوە خۆم
پا بەست زەنجیر مەکرو ڕێوە خۆم
دوور کەفتەی وەتەن هەراسانە خۆم
مەحرووم مەجلس گشت خاسانە خۆم
سەر تاپا سفتەی کورەی نارە خۆم
دڵ پارەی قوللاب نێش و خارە خۆم
قامەت خەمزەدەی ڕیسوای عامە خۆم
شەیدای بێهوش عەقڵ و فامە خۆم
وە تیر تانەی ناکەسانە خۆم
دوستاخ هەردەی کوردستانە خۆم
مەحبووس زەنجیر خەیاڵانە خۆم
مایەی فکر و هۆش وە تاڵانە خۆم
ڕوو زەردی دیوان هامسەرانە خۆم
گیرۆدەی مەینەت دڵگرانە خۆم
بێقەدر و قیمەت جە لای «ناسعەرەبی»ە خۆم
«تەن» لوخت و عوریان بێ کراسە خۆم
گیرۆدەی فەرەنگ تازە دیلە خۆم
کەشتی شکستەی بەحر «نیلشوێن»ە خۆم
مایەی لاو بەردی بێ هاوماڵە خۆم
دڵ سیاو قەقنەس کۆی زوخاڵە خۆم
شەرمەندەی عەشرەت سەرئەفکەندە خۆم
ڕووسیای دەرماڵ خودا بەندە خۆم