جەو ڕاگوزەردا
لە کتێبی:
دیوانی وەلی دێوانە
بەرهەمی:
وەلی دێوانە (1826-1881)
1 خولەک
845 بینین
جەو ڕاگوزەردا، جەو ڕاگوزەردا
یەک ڕۆ جە «لێڵاخشوێن» جە وڕاگوزەردا
دیم «شەمکەس» خەفتە بێ جە سوب سەحەردا
ئەگریجە و زوڵفان پەخش بی وە بەردا
ئەگریجە و زوڵفان بووک تاووس باڵ
پەخش بی نە دەور گۆنای گوڵ میساڵ
منیش پەی ئیحسان ئەوسا جەو دەمدا
ئەگریجە و زوڵفش شانام وە هەمدا
ئاوەردم پەی وێم وە دەوان دەو
زانام سوودش هەن پەی بێ خاوی خەو
فدای نەسیم بام عەتر شەم پێش بێ
ئەمشەو زامانم یەک یەک ساڕێژ بێ
نەسیم ناوەردای دەوا پەی دەردم
بێ شەک جە دوری ئەو من مەمەردم