ئەرێ هەی توڵی نەی
لە کتێبی:
دیوانی وەلی دێوانە
بەرهەمی:
وەلی دێوانە (1826-1881)
1 خولەک
1795 بینین
ئەرێ هەی تووڵ نەی، ئەرێ هەی تووڵ نەی
ئەرێ هەی نەونەمام قامەت تووڵ نەی
ئەر هەی دیدەمەست چەم پیاڵەی مەی
سزای تۆ تا چەند سەبر من تا کەی
ئەرێ هەی شیرین قامەت ئەر ستوون
ڕەژیدەی قودرەت کارساز بێچوون
منت کردووە «قەیسکەس» سەرگەشتەی مەفتوون
ڕەنگ زەرد و زایف بەتەر جە «مەجنوونکەس»
مەگێڵوون هەردان وە جەستەی پڕ وەی
سزای تۆ تا چەند سەبر من تا کەی
ئەر هەی نەونەمام تازە ڕەسیدە
سەروەناز سونع «سانع» کەشیدە
جە دووری باڵات ئەی بەرگوزیدە
هەر دەم مەواڕۆ هووناو جە دیدە
شەوان تا وەڕۆ مەناڵوون چون نەی
سزای تۆ تا چەند سەبر من تا کەی
قەسەم بە توغرای زوڵفی چین چینت
بەو وردە خاڵان سیای موشکینت
ئەر باوڕ داری «زڵێخاکەس»ی شانی
بە ئایەی کەلام حەق ڕەببانی
بەهەشت ڕۆحم بی وە تۆفانی
جە داخ باڵات حوور ڕزوانی
بە وێنەی مەجنوون هەردان کەردم تەی
سزای تۆ تا چەند سەبر من تا کەی