erê hey tułî ney
Li pirtûka:
Dîwanî Welî Dêwane
Berhema:
Welî Dêwane (1826-1881)
1 Xulek
1820 Dîtin
erê hey tûł ney, erê hey tûł ney
erê hey newnemam qamet tûł ney
er hey dîdemest çem pyałey mey
sizay to ta çend sebir min ta key
erê hey şîrîn qamet er sitûn
řejîdey qudret karsaz bêçûn
minit kirduwe «qeysKes» sergeştey meftûn
řeng zerd û zayf beter ce «mecnûnKes»
megêłûn herdan we cestey piř wey
sizay to ta çend sebir min ta key
er hey newnemam taze řesîde
serwenaz sun’ «san’» keşîde
ce dûrî bałat ey berguzîde
her dem mewařo hûnaw ce dîde
şewan ta weřo menałûn çun ney
sizay to ta çend sebir min ta key
qesem be tuẍray zułfî çîn çînit
bew wirde xałan syay muşkînit
er bawiř darî «ziłêxaKes»y şanî
be ayey kelam ḧeq řebbanî
beheşt řoḧim bî we tofanî
ce dax bałat ḧûr řizwanî
be wêney mecnûn herdan kerdim tey
sizay to ta çend sebir min ta key