بەهاری دڵگوشا بوو ئارەزووی سەیری گوڵانم کرد

هەرچی دڵ پی خۆش بێ هەر لە بیرە، ساڵێ لە بەهارا لە «حەسەن سەلارانشوێن» لەگەڵ دەستەیێ لە ڕەفیقان بو سەیاحەت چووین بۆ کوێستان بە کێوەکانا سەر کەوتین تا چووینە سەر «بەردی ڕەش» بەینی «جەوشەن» و «میک» و «باینجان». لە سەر ئەو بەردە کە مەنزڵمان گرت و ڕوانیمانە دەرە و چیا و دەشتەکان و بەفری خاڵ خاڵ و گژوگیای جۆر بە جۆری جوان گوڵ و خونچە گوڵ، لەزەتێکی وا واردی دڵم بوو کە ئێستاش هەر دێت و دەچێ و ئەدا تەکان، بەو هۆیەوە مامۆسای تەقدیر ئەم هونراوەی تەڵقین کردم، ناردم بۆتان، یادگار بێ.