براکەی کوردم کاکی خوێندەوار
لە کتێبی:
باخچەی کوردستان
بەرهەمی:
قانع (1898-1965)
1 خولەک
769 بینین
براکەی کوردم کاکی خوێندەوار
وێنەم پێشکەش کرد بە هۆی یادگار
بەڵام ئەم وێنە کەوا پەرۆشە
سەر و گوێلاکی ئەڵیێ نەخۆشە
ئەمە ژێر تەشوێی دەردی گرانە
سینەمای چەرخ و زەدەی زەمانە
هەر شەوێ خەمێ هەر تاوێ دەردێ
هەر ڕۆژ گیرۆدەی هەناسەی سەردێ
ساڵێ ئەفەندی، مانگێ مەلا بوو
ڕۆژێ ئاشەوان، ڕۆژێ فەلا بوو
گا ئاهـ و ناڵەی جێماوەی هۆزی
گاگا قوڕ پێوان بۆ نزمی کۆزی
گا زایەڵەی سەخت بە شین و زاری
ئەیدا بەسەریا بۆ کوردەواری
سەرم سوڕ ماوە کە چۆن ژیاوە؟
سەرتا پای باڵای چۆن نەسووتاوە؟
باوجوود زەمان سەدهەزار وایە
لە ڕووی گیتیدا هێنایە کایە
قانعناسناوی ئەدەبی لە یاران زیاتر نییە
ئیتر گلەیی لە زەمان چییە