birakey kurdim kakî xwêndewar
Li pirtûka:
Baxçey Kurdistan
Berhema:
Qani (1898-1965)
1 Xulek
819 Dîtin
birakey kurdim kakî xwêndewar
wênem pêşkeş kird be hoy yadgar
bełam em wêne kewa peroşe
ser û gwêlakî ełyê nexoşe
eme jêr teşwêy derdî girane
sînemay çerx û zedey zemane
her şewê xemê her tawê derdê
her řoj gîrodey henasey serdê
sałê efendî, mangê mela bû
řojê aşewan, řojê fela bû
ga ah û nałey cêmawey hozî
gaga quř pêwan bo nizmî kozî
ga zayełey sext be şîn û zarî
eyda beserya bo kurdewarî
serim suř mawe ke çon jyawe?
serta pay bałay çon nesûtawe?
bawcûd zeman sedhezar waye
le řûy gîtîda hênaye kaye
qani’Nasnava edebî le yaran zyatir nîye
îtir gileyî le zeman çîye