شانازی بە ئەدیبەوە
لە کتێبی:
باخچەی کوردستان
بەرهەمی:
قانع (1898-1965)
1 خولەک
688 بینین
شیرینتر و سوڵتانی مقالاتە ئەدیبی
سحرە، هونەرە، کەشف و کەراماتە ئەدیبی
حوببی وەتەن و خزمەتی خەڵکە ئەدەبییات
داخڵ بە سەف و دەفتەری تاعاتە ئەدیبی
بۆ بووکی وەتەن خشڵە یەقین شیعری ئەدیبات
لایق بە سەنا و مەدح و مقاماتە ئەدیبی
گەهـ شورە، گەهێ وەسفە، گەهێ هەجوی بەخێڵە
گەهـ وێردە، گەهێ زکر و موناجاتە ئەدیبی
بۆ ئەهلی هونەر دوڕڕی گران مایە بێ مەحزە
لای بێ هونەر و عەقڵ، خورافاتە ئەدیبی
تاجی سەری ئەبیاتە لەسەر تەختی نگارش
ئوستادی هەموو شێعر و غەزەلیاتە ئەدیبی
دوێ پیری ئەدەب هات و وتی قانعناسناوی ئەدەبیی بەدبەخت
لەم عەسرە ئەڵێن بەزمی سەفا هاتە ئەدیبی