کوڕەکەت علمی بخوێنێ
لە کتێبی:
باخچەی کوردستان
بەرهەمی:
قانع (1898-1965)
1 خولەک
655 بینین
تۆ کە بابی، کوڕەکەت علمی بخوێنێ چاکە
عاڵەمی جەهل لەلای من بە مەسەل خاشاکە
وەرە بنواڕە لە کوردا ئەوە وا علمی نییە
حامڵی کولەکە و زەرگ و دەف و مەشاکە
بەر لەوا علمی حەق و شەرع و حەدیس و قورئان
جا لە پاشا لە سنائع بە دڵت کام چاکە
پینەچی گەر بە تەزەللم لە وەتەن دورۆ کەوێ
لە هەموو لایێ بە سایەتی عەمەڵ و بێ باکە
کوڕی پاشا لە غەریبی بە ئومێدی نانێ
وا پەشێوە کە ئەڵێی گێژی خەمی تریاکە
ئەوە پارەی هەیە دایم بەدەماخ و شەوقە
ئەوی پارەی نییە چاوی بەئەبەد نەمناکە
قانعیناسناوی ئەدەبی چۆن عەمل و کەسبی نییە بێ سەمەرە
سەد هەزار دەفعە ئەڵێت خۆزگە بەوەی حەککاکە