میهر بە هەژار
لە کتێبی:
باخچەی کوردستان
بەرهەمی:
قانع (1898-1965)
1 خولەک
518 بینین
سەردەسە ژێر دەسەی هەژار و فەقیر
مەی فرۆشە بە بزن و گیسک و چتیر
ڕەعیەتی سەر کز و فەقیر و هەژار
مەیخەوە حەپسخانە و زنجیر
تۆ خودا دەستی، قودرەتی پێدای
مەیشکێنە سەری فەلا بە گزیر
نە تەڕی کە بە ئاوی فەحش و جوێن
نە بسووتێ بە ئاگری تەزویر
وەکوو تۆ حاکمی بە مل ئەو و ئەم
حاکمی قویشە پادشاهی قەدیر
بێ مروەت مەبە لە حاسی شوان
تێک ئەدا قەهری حەق و سەرا و سەریر
ئەی گەدا تۆش خەفەت مەخۆ بە نەبوون
چوون خراپتر لە فەقرە ناری سەعیر
شوکری حەق کە نەوا لە ئەو دنیاش
بی بە ئاو سەر کەم گەدا و فەقیر
تۆ برای چاک بە شێعرەکەی قانعناسناوی ئەدەبی
وا بزانە نەسیحەتە و تەگبیر