هیچ و پووچ

لە کتێبی:
باخچەی کوردستان
بەرهەمی:
قانع (1898-1965)
 1 خولەک  533 بینین
مەجلیس کە نەبێ بەزمی لە من هیچ و لە تۆ پووچ
دڵبەر کە نەبێ شەرمی لە من هیچ و لە تۆ پووچ
با چا لە دەما، مەی لە خەما نەشئە ببەخشێ
ساقی کە نەبوو عەزمی لە من هیچ و لە تۆ پووچ
دڵخۆش مەبە بەو وەعدە کە دوێ وەعدەی ئەدا پێت
وەعدە، کە نەبێ جەزمی لە من هیچ و لە تۆ پووچ
بڕیاوە لە ڕێی چاوی ئەتۆ سەد سەری عاشق
سەر بێ، کە نەبێ تەرمی لە من هیچ و لە تۆ پووچ
ئەو دیمەنە ئەڕوانێ بەسەر حەوشی ئومێدا
زۆر چۆڵە، نەبێ بەزمی لە من هیچ و لە تۆ پووچ
دڵ وەک سەدەف و مێحنەتی ئەم خاکە دوڕی ئەو
دڵ زۆرە نەبێ گەرمی لە من هیچ و لە تۆ پووچ
ئەو پارە پەرەستە کە سەری قانعناسناوی ئەدەبیی ئەبڕی
پێی بێژە نەبێ شەرمی لە من هیچ و لە تۆ پووچ