تەپڵی شادمانی
لە کتێبی:
باخچەی کوردستان
بەرهەمی:
قانع (1898-1965)
1 خولەک
1192 بینین
با بنووسم شێعری کوردی تاکوو خەڵقی تێبگات
شێعری کورد شیرینترە تا شەکر و هەنگوێن و نەبات
من بەهیوا بووم کە تەپڵی شادمانیم لێ بدەن
چەندە مەئیوسم لە حاڵی خۆم کە بۆچ دەنگی نەهات؟
ئاوڕی دەورم ئەدەم هەرکەس بەدەردێ موبتەلاس
یەک لە برسا هار و هاج و یەک لە ترسا زیز و مات
چوونکە وا تاریکە کۆمەڵ تا ئەبەد سەر ناکەون
دەوڵەمەند گوێ شل نەکا بۆ ناڵە و فەریادی لات
تۆ لەدونیادا نەجاتی چوارکەسی وەک من نەدەی
پێم بڵێ ڕۆژی قیامەت چیتە ئەسبابی نەجات؟
تۆ پزیشکی حاڵزان و من نەخۆش و دەردەدار
چاکە ئینسافت ببێ کاتێ کە خۆم خستە پەنات
قانعاناسناوی ئەدەبی گەر تۆ بەڕاستی خزمەتی هۆزت ئەکەی
چاوەڕوانی قەت نەکەی بۆ بەخشش و مووچە و بەرات