دڵپاکی
لە کتێبی:
گوڵاڵەی مەریوان
بەرهەمی:
قانع (1898-1965)
1 خولەک
1031 بینین
مەسنەد هەیە ئەمما بە هونەر عەقڵە مەقامات
شێخی هەیە لاکن بە عیباداتە کەرامات
دڵپاکی لەگەڵ هەم وەتەنت لازمە کوردە
حوببی وەتەنت ڕوکنە، لە ئەرکانی عیبادات
بۆ سوودی وەتەن خزمەتی خەڵقی وەتەنت کە
حب الوطنیعەرەبی تۆشەیە بۆ ڕۆژی موجازات
ئەم ئەمرە لەسەر کوللی کەسێ لازمە ئەمما
هێندێ بە بەدەن، هێندێ بە پووڵ، هێندێ خەیاڵات
بۆ ئیشی وەتەن دەوڵەتی خۆت سەرفی وەتەن کە
کەی نەقسی ئەبێ عیلمی مەلا قەت بە سوئالات؟
زەحمەت نییە لای ئەهلی ئەدەب زەحمەتی میللەت
کەی تاڵە لەبۆ دەفعی ئەلەم حوببی دەواجات
ئوستادی غەزەڵ حەیفە ئەگەر غەیری ئەدیبی
دەفتەر بگرێ، جەم ببەستێ شێعر و غەزەڵیات
قانعناسناوی ئەدەبی کە تۆ بۆ داکی وەتەن خزمەتێ ناکەی
ڕاستۆ بە بڕۆ مزگەوت و دەس کە بە موناجات