هەناسەم هێندە مەغرورە لە با ڕەش مەرحەبا ناکا
هەناسەم
لە کتێبی:
گوڵاڵەی مەریوان
بەرهەمی:
قانع (1898-1965)
1 خولەک
1072 بینین
هەناسەم هێندە مەغرورە لە با ڕەش مەرحەبا ناکا
بە غەیری دڵ کە مەسکەنیە خەیاڵی ماسیوا ناکا
ئەزانی چاوی تۆ دایم لە خوێنی دڵ منا مەستە
بە بیماری ئەمێنێتۆ پزیشک هەرگیز دەوا ناکا
حەنا سابت نییە ڕەنگی وەفا هەر خوێن دڵ زانی
لەپەنجەی دڵبەرم بڕوانە قەت مەیلی حەنا ناکا
ئەوەند تینووم بە لێوی تۆ بە شیریش گەر لەت و کوت بم
تەسەللامە بە ئاوی تێغ و ڕۆحم حەلوەلا ناکا
سەفارەتخانەکەی قەلبم بە قووەی جازبەی ئەبرۆت
تەلیفوون خانەیە لازم بە قووەی کارەبا ناکا
ئەگەر حوسنت بە عامی بێ منیش وا شێت و شەیدا نیم
بە شوعلەی ڕۆژ پەروانە سەما هەر وەک چرا ناکا
ئەگەر قانعناسناوی ئەدەبی بە ئومێدی وساڵت بێ چ بێ سوودە
لە گوڵزاری کەواکب کەس گوڵاوی پڕ بەها ناکا