بەسیەتی سزا
شیعرێکی تەخمیس کراو کە پێنج نیوە دێڕی «ئەحمەدی هەردی»ی شاعیری تیا بەکار هاتووە
لە کتێبی:
دیوانی عوسمان عوزێری
بەرهەمی:
عوسمان عوزێری (1936-1966)
1 خولەک
276 بینین
چ تاوانێک لە ئەستۆمە و چی وەها دڵی ڕەنجانی
چیم کردووە خوانەخواستە وا خێرا دڵی یەشانی
کە دوودڵ بوویت لە سەردانم بۆچی وەها بێویژدانی
بەگرژی وا بەجێتهێشتم بەو جۆرە بە پەرێشانی
چ سڕڕێکت لەناو دڵتا حەشار داوە بە پەنهانی
کە چاوت چەشنی ئاوێنە وەها بێپەردە درکانی
من خۆم هەڵئەکێشا لەلای خەڵکی هەرگیز وەهام نەئەزانی
من و تۆ لەناکاو وەها ئاسان بێ گرانی
تۆ کەی وا بووی کە یەکەمی سەراپا وەفادارانی
ئەزانم دڵ هەیە وەک مس کە ژەنگ دێنێ بە ئاسانی
دڵی تۆ زێڕی تێزابە لە کوێوە ژەنگی هەڵهانی
بڕواش ناکەم کە گشت دنیا بە خۆی و بەدکارانی
کار بکەنە دڵی ئێمە ئەی خۆشەویستەکەی گیانی
من بەشبەحاڵی خۆم هەر وام هەتا دنیاش هەبێ فانی
خۆڵ و تۆزیشم بمێنێ بۆ تۆیە وێردی زوبانی
ئەمانە گەرچی تێناگەم بەڵام پێویستە بیزانی
تۆ بە ژیانم ئەزانم بە دڵ و بە گیان هەر لاتم
ئەوەتەی لێک دوور خراوین تا لە ژین و کات و ساتم
هەتا ڕزین گیانی شیرینم هەر خۆشەویستەکەی ئەوساتم