من فیدام
لە کتێبی:
دیوانی عوسمان عوزێری
بەرهەمی:
عوسمان عوزێری (1936-1966)
1 خولەک
413 بینین
شەرتە تاکوو دواهەناسە من فیدام
تاکوو یەک تۆز هێز بمێنێ لە هەناوم
. . . . . . . . . .دەقی نائاشکرا
من فیدام .. من فیدام
من فیدای ئەم خاکە جوانەی وەتەنم
بەفیدای تۆزی خۆڵی بێ گشت تەنم
ژیانم ناوێ هەتا هەقی نەسێنم
من فیدام .. من فیدام
مردنە لام گەر ئیستعماری بۆگەن
پێ بخاتە سەر تۆزی خاکی وەتەن
ئەیکوژم یان نامەوێ ژینی بە پەن
من فیدام .. من فیدام
فیداکاریش حەیفە سەردانەوێنێ
موخابنە حەقی گەلێ نەسێنێ
ئەبێ پڕ بە دەم بڵێ و بنرکێنێ
من فیدام .. من فیدام
وا هەمدیسان ئەیڵێمەوە من فیدام
ئەگەر لەپێناوی گەلا بی برام
کوشتنم وەک قۆچی قوربانییە لام
من فیدام .. من فیدام