زەمانە ئیشت گشت چەوت و بەدفەڕ
لە کتێبی:
دیوانی لوتفی
بەرهەمی:
لوتفی (1905-1989)
1 خولەک
300 بینین
زەمانە ئیشت گشت چەوت و بەدفەڕ
کردەوەت هەموو پڕ لە فیتنە و شەڕ
هەزار شازادەت توو کردە خادم
بە گێژێک ئەدەی تەختەکەی قەیسەر
هەندێ گێرۆدەی دەردی هەژاری
هەندێکیش غەرقە لە ناو سیم و زەڕ
هەندێ نەخۆش و گێژ و دەردەدار
هەندێ بە شەوقە دەماخی لەسەر
هەندێ کەوتووە لە دەشتێکی چۆڵ
هەندێ ناو باخی پڕ میوە و سەمەر
هەندێ هاواری لە دەستی زۆردار
هەندێ مەسروورە شاد و بەختەوەر
هەندێ ڕووت و قووت بەتای کراسێ
هەندێکیش چۆغە و فاسۆنی لەبەر
هەندێ زۆر بەناز بەخێوی دەکەی
هەندێ ئەگریێ بێ دایک و پدەر
لوتفیناسناوی ئەدەبی هەر کەسە و بە جۆرێ ئەژێ
ئەتۆش بنۆشە خوێناوی جگەر