لایەقی زوڵم و جەفا خۆم غەرقی دەریای خەتا خۆم
لە کتێبی:
دیوانی لوتفی
بەرهەمی:
لوتفی (1905-1989)
1 خولەک
599 بینین
لایەقی زوڵم و جەفا خۆم، غەرقی دەریای خەتا خۆم
مائیلی ئەهلی فەنا خۆم، تالبی زومرەی شەقا خۆم
دەستەئەژنۆ، قوڕ بە سەر خۆم، ماڵ وێران، ڕەنج خەسەر خۆم
عومری گەنجی بێ سەمەر خۆم، ڕووڕەشی دارُالبَقاعەرەبی خۆم
چیم نەکرد بۆ قیامەت، کەوتمە ئاهـ و نەدامەت
چاو بە ئاو و دڵ بەحەسرەت، ژینی بێ سوود و هەبا خۆم
عومرەکەم چوو بە تاڵان، مەحکوومی نەفس و شەیتان
مائیلی ئەهلی عوسیان، ڕوو زەرد ڕۆژی جەزا خۆم
***
ڕۆژی جەزا مەسئوولم، بۆیە ئەونە مەلوولم
کردەوەی بێ میوولم، مل لە داوی بەڵا خۆم
ئەسیری داوی بەڵام، تالیبی نەفس و هەوام
زۆر ڕووڕەش و بێ حەیام، ڕوو لە ئەهلی فەنا خۆم
لوتفیناسناوی ئەدەبی دوور لە تەقوا بوو، عاسی لە ئەمری خوا بوو
لە مەغرووری ئەغوا بوو، ساعی بۆ پێشەوا خۆم